Habal-habal i-monitor sa siyudad

CEBU, Philippines - Duna nay mag-monitor sa mga habal-habal sa Siyudad sa Sugbo human usa ka Executive Order ang gipirmahan ni Mayor Tomas Osmeña nga nag-umol sa usa ka monitoring unit. Ang EO 023 nag-establisar sa “two-wheeled motorized vehicle monitoring, coordination, and assistant unit (TWV-MCAU) diin ang mangulo niini mao ang executive assistant sa mayor nga si Arnel Tancinco.

Ang EO gipagawas samtang wala pay balaud nga mag-regulate sa mga habal-habal drivers. Gitahasan sab ang maong unit sa pag-evaluate kun gikinahanglan ba ang pagbutang og habal-habal terminal nga maoy usa sa demanda sa mga drayber.

Si Osmeña nitataw nga tumong sa pag-umol sa maong unit aron paghatag og hiniusa ug epektibong serbisyo sa katawhan.

Gihimug-atan sa mayor nga gihatagan gyud niya og pagtagad kun unsaon nga makatabang sa katawhan dungan sa pagbutyag nga ang habal-habal naghatag og mahinungdanon nga serbisyo ug dili mahimong piyongan. (BANAT NEWS)