Pinagbabawalang makipagrelasyon

Dear Vanezza,

Halos maglilimang taon na po ang asawa ko sa Saudi. Sixteen years old na ang anak naming babae. Kahit dalaga na ay hinahanap pa rin ang kanyang tatay. Naiinis na nga ang anak namin dahil taun-taun nagsasabing uuwi siya, pero hindi pa rin natutupad. Ang problema ko ay may Bf na ang anak namin. Siguro naghahanap ng male companion ang anak ko kaya nakipagnobyo na ito. Bilin pa naman ng tatay niya na ‘wag kong paligawan. Pero hindi ko alam na may nobyo na pala ang anak ko. Hindi ko na rin napigilan dahil mabait ang nobyo niya nagpupunta na ngayon sa bahay. Sasabihin ko ba sa asawa ko na may BF na anak namin?- Nanay

Dear Nanay,

Mahirap talaga na malayo ang asawang lalaki sa pamil­ya. Naiintintidahan ko ang anak mo pero bata pa siya para magkanobyo. Tama ang asawa mo na huwag muna itong makipagrelasyon. Sana ay mag-concenrate muna siya sa pag-aaral. Puwede mo namang kausapin ang anak mo na makinig muna sa kanyang tatay. Mahirap na ang ma-distract siya sa pag-aaral. Kausapin mo rin ang nobyo ng anak mo at sabihin ang totoo na bilin ng asawa mo. Puwede naman siyang maghintay kung talagang mahal niya ang anak mo.

Sumasaiyo,

Vanezza