3-0 tangka ng UP, Army

MANILA, Philippines – Itataya ng UP Lady Maroons at Army Lady Troopers ang malinis na karta sa pagharap sa magkahiwalay na asignatura sa pagpapatuloy ng Shakey’s V-League Season12 Reinforced Confe-rence ngayon sa The Arena sa  San Juan City.

May 2-0 karta ang UP at Army at isa pang panalo ay mag-uusad sa isang paa patungong semifinals sa ligang inorganisa ng Sports Vision katuwang ang Shakey’s at handog ng PLDT Home Ultera.

Kalaro ng UP ang PLDT Home Ultera Fast Lady Hitters sa inaasa-hang magandang tagisan sa ganap na ika-12;45 ng hapon habang makakalaban ng Army ang Navy Lady Sailors dakong alas-5 ng hapon.

Rambulan sa unang panalo ang paglalabanan sa pagitan ng mga walang panalong Kia Forte at Coast Guard Lady Dolphins dakong alas-3 ng hapon.

Galing ang Lady Maroons sa magkasunod na panalo laban sa Navy at Coast Guard at nagawa nila ito dahil sa magandang pagtutulungan  ng mga beterana sa pangu-nguna ni Nicole Tiamzon at mga baguhan sa pamumuno ni Isabel Molde.

May 1-1 baraha ang PLDT pero galing sila sa pagkatalo sa Army sa larong umabot sa limang sets.

Hindi pa tiyak kung maglalaro na ang first conference MVP na si Alyssa Valdez pero asa-han na kakamada ng husto sina Aiza Pontillas, Sue Roces, Gretchel Soltones at Lou Ann Latigay.