^

Sukod sa Gugma

MAMUGNAONG TAMING - Julius B. Panerio () - February 27, 2011 - 12:00am

“Dili pa karon ang tukmang panahon sa pagdawat sa imong gugma ngari kanako Melyo,” ni Aring pa.

“Kun dili karon, kanus-a pa man? Unya na ba kung maabtan na kita sa pagpanggungis,” ni Melyo nga pugsanon sa pagdughit sa pagbati ngadto sa dalaga.

Hingkod na sa panuigon ang duha apan parehong dugay nakakita og trato tungod si Aring hindikan sa lalaki. Ug si Melyo usab nahatag ang iyang pagtagad sa tibuok adlaw ngadto sa iyang umahan nga kabilin sa mipanaw na niyang ginikanan.

Nagsugod kini si Melyo sa pagpangulitawo sa dalaga dihang iya kining nakit-an nga naligo sa atabay nga duol ra usab sa tunaan sa iyang kalabaw.

“Unya na lagi, sunod adlaw,” matod pa sa dalaga. “Sunod adlaw ug karon pareho ra. Sugton mo ako sunod adlaw ug karon, mao rang sugota,” sa ulitawo pa usab nga nagpanikad.

“Abi nimo Mel, buot ko lang sutaon kung matuod ba gayod ang imong gihalad nga pagbati ngari kanako,” pasabot ni Aring kang Melyo. “Sa laktod nga pagkasulti, buot kong sukdon ang imong pagkamatinud-anon,” dugang pasabot sa dalaga.

Wala makapaabot ang ulitawo sa sunod adlaw nga gisugyot sa dalaga. Gihagkan niya kini sa ngabil sa walay pagpananghid. Unya nakapiyong usab si Aring sa gibuhat ni Melyo ug wala na kini makasupak pa tungod kay gianod usab ang dalaga sa nagbaguros nga pagbati nga gipakita sa ulitawo. Ug mao na lamang ang ilang nabatyagan nga pareho na silang way saplot sa kalawasan.

“Mao kini ang matuod nga pagsukod sa gugma Ring! ... hagawhaw sa baba gikan ni Melyo. “Asa man ani?” dihay pagkaignorante nga pangutana ni Aring. “Kining pagsukod nako sa gilawmon sa imoha ug pagsukod mo sa gitas-on sa akong gugma,” matod pa ni Melyo samtang nagpadayon pag-ukay sa dugos sa kalipay.

Unya sa nahuman na sila sa lawasnong kalipay, nahibulong si Melyo kung nganong nagbakho si Aring. “Nganong nagbakho ka man? Pasayloa ako kung nasakitan ka sa akong gihimo. Ingon ana gayud ang bation sa unang higayon,” sa ulitawo pa nga nakisayod.

“Kung kahibalo pa lang unta ko nga ingon ani diay kalami, sa una ra unta to, hu...hu...hu...”

“Butangiii...” matod pa ni Melyo.

ABI ARING ASA BUTANGIII DALAGA MELYO UNYA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with