Parola ug Maniniyot
October 10, 2010 | 12:00am
Kining parola sa Liloan
sama sa usa ka maniniyot.
Gibarikos na og tindog
sa daplin sa baybayon
makakaplag lang og kaanyag
sa kalapad sa dagat.
Ang iyang pagdagkot
sa suga matag gabii kaliwat
sa flash sa kamera,
sama sa kahayag
ba nga gipangligsan
ang mga bituon
sa karsada sa panganod.
Ug ang iyang pag-agak
sa mga mangingisda
sa tunga-tunga sa kagabhion
sama sa sulod sa usa ka darkroom
diin gibuhi ang mga larawan
ug handumanan.
BrandSpace Articles
<
>
- Latest
- Trending
Trending
Latest