Unsaon Pagkaon sa Impyerno?

Sukara ang kahadlok sa init nga kaha

Aron imong isula sa dukot nga panggoberno

Ibutang sa imong plato samtang

Naay mga yawa sa imong atubangan

Kinamota ug usapa hangtod

mabusog ka uban sa mga bala

Hay...dili na uso ang tinidor ug

Kutsara, mao na, kaon na lang diha.

Kon ikaw mapul-an sa imong sud-an,

Uy, ang kahadlok pwede baya silian

Ania pa man sad ang hilaw nga paglaom

Ug isawsaw lang sa bahaw nga kalinaw

Ug kon ikaw mapaso, intawn

Ayaw kalimot og pag-ampo