Inahan

Ang kinabuhi dili sayon

Ang tawo dili pirmi malipayon

Tan-awa kining nahitabo

Sa usa ka babaye nga sama kanako;

Nahigugma sa usa ka lalaking maoy gituohan

Nga maoy makahaw-as sa bug-at nga gipas-an

Sa linghod ug batang pangedaron

Nahitumpawak naman hinuon;

Busa mga inosenteng bata

Nahimong makaluluoy ug timawa

Uhaw sa gugma sa amahan

Wala intawo’y laing kapaingnan;

Apan maayo na lang gani

Kay dunay maayong paminsar sa kinabuhi

Wala gayod mobiya ug nagpabilin sa ilang kiliran

Kining ilang mapinanggaon

ug mainantuson nga inahan.