Cheska nakasugakod sa action scenes
CEBU, Philippines — Mas nidako ang pagsalig ni Cheska Fausto sa iyang kaugalingong abilidad isip aktres human niya masulayan ang iyang unang action series nga Taskforce Firewall sa GMA Network nga maoy nagbukas usab og bag-ong hagit sa iyang karera.
Suma pa ni Cheska, wala gyud niya damha nga makasugakod siya og action scenes, apan tungod sa husto nga training ug preparasyon, napamatud-an niya nga andam siya alang sa maong genre. “This is my first-ever action series, so hindi ko ever in-expect na I can do action. Yes, I’ve wanted to do action series, but now that I am doing it, na-realize ko na kaya ko pala talaga given the proper training, proper execution, kayang-kaya and I would do it over and over again,” tubag pa ni Cheska sa gipadala nga pangutana sa Banat News Hugyaw .
Gawas sa bag-ong level sa iyang pag-arte, espesyal usab alang kang Cheska ang panaghigalaay nga nahulma uban sa iyang mga kauban sa cast, ilabina kang Kyline Alcantara. Suma pa niya, si Kyline ang iyang labing suod sa set tungod kay komportable siyang mopaambit niini kabahin sa iyang personal nga kinabuhi.
“I would have to say si Kylie kasi siya ’yung someone that I am able to open up a bit about my personal life. I feel safe with her and I am really happy sa friendship namin kasi ramdam mo ‘yung pagka-genuine ng pagkakaibigan namin. In this industry, mahirap makahanap ng ganoon. She’s like my ate on and off screen,” suma pa ni Cheska.
Gipasabot usab niya nga kanunay silang mag-uban ni Kyline sa tent ug didto sila kasagaran mag-istorya ug magtinambagay sa dili pa magsugod ang taping.
Angayan sa papel ni Galema
Kung mahimoan og remake ang classic film nga “Galema: Anak ni Zuma” , aduna na'y nahuna-hunaan si Snooky Serna nga mga artista nga angayan modala sa maong iconic role . Matud pa niya nga angayan kaayo sa karakter ni Galema kay naa ra nila Barbie Forteza, Kathryn Bernardo, ug Carla Abellana. Sa nahisgotan nga mga artista , gibutyag ni Snooky nga si Barbie ang swak gyud kaayo sa maong role .
- Latest
