Unsa man ning mga fish cages?

Sayon kaayong sabton, bisan sa dili mangingisda. Sa Tagalog, “Kulongan ng isda,” morag prisohan sa mga isda. In Cebuano, “Tangkal sa isda,” morag tangkal sa manok. Mao kini ang translation sa google sa pulong fish cage. Pagkabasa nako niini, sumala sa gipatik sa The Freeman, ang nisulod sa akong ulo mao ang mga cold storage facilities (morag refrigerator sa mga isda), in local fish ports to reduce the spoilage of catch.

Nakahunahuna ko niini, which I think is as important and necessary with the fish cages, tungod sa akong pag-adto sa Samar, dugay na, sa usa ka barangay, naatlan ko pagdunggo sa mga mangingisda gikan sa kalauran.

Ang ilang bangka napuno sa isda, ang uban nagkisisi pa. Itumod kadto nila ngadto sa Manila ug sa ubang local fish ports dinhi Sugbo, lagmit, apil ang Pasil.

Niining ilang panginabuhi, na-felt nila ang panginahanglanon sa cold storage facilities, for obvious reasons. Nga dili madubok ang isda, samtang gipundo, naghuwat kanus-a i-dispose, or nagpaabot og dugang pang catch.  Hinaut nga makahunahuna usab niini ang lalawigan. Ang atong naandan, mao lamang ang paghumol sa isda sulod sa kahon nga puno sa ice. Mao kini ang atong nakita diha sa fish port sa Danao, diin lami kaayo ang kinilaw ug tinap-anan nga tulingan.

Anyway, ania ang description sa google, unsa kining fish cage: “A fish cage is an aquaculture production system that confines fish in a mesh enclosure within a natural water body (like a lake, river, or ocean). It allows water to flow freely through the enclosure, which maintains water quality and removes waste while keeping the fish contained for easy feeding, observation, and harvesting.”

Ambot mao ba kaha kini ang matang o klase sa mga fish cages, gigahinan sa Capitol og P22M paggama og mga modern fish cages nga ilang gi-turnover ngadto sa napulo ka lungsod. However, gingon nga ang gi-turnover nga mga kasangkapan sa pangisda, was a high-density polyethylene (HDPE) fish cages. Mga plastic synthetic kini, gaan, lig-on, ug dili maunsahay sa klima, kon moisture-resistant.  Matud ni Joel Clapano, Provincial Fishery Officer sa Bureau of Fisheries and Aquatic Resources, ang HDPE fish cages gi-design nga molungtad hangtud og 50 ka tuig, kon maayo lang nga pagka-maintain. So, kamong mga mangingisda, ampingi gyud ni ninyo pag-ayo. Inyo kining kinabuhi karon, ug sa umaabot nga kaliwatan - from generations to generations, diin sa samang higayon makabayaw sa inyong morale, makapausbaw sa inyong kinitaan, ug labaw sa tanan, maka-ensure sa constant supply sa pagkaon gikan sa kadagatan, nganhi kanatong mga Sugbuanon, sa dili pagsalig gikan sa ubang tinubdan.

“Improving local food production has become one of the priorities of my administration, with aquaculture seen as one of the sectors capable of contributing to both food availability and economic opportunities for fisherfolks,” nagkanayon si Governor Pam Baricuatro.

Gawas sa mga fish cages, ang Capitol ni-distribute usab og mga payao, fish feed and fertilizers, ug tag-napulo ka kilong bugas.

Ang mga beneficiary nga fish associations nagagikan sa mga lungsod sa Oslob, Badian, Ronda, Argao, Boljoon, Dalaguete, Dumanjug, Alcantara, Alcoy, ug Alegria.

Salamat, Guv.