EDITORYAL — Political will ray yawe

Nitubag ang probinsya. Gipahibalo karon sa lalawigan nga naa nay makatulgan o mapasilongan ang mga tagtungod sa mga nga na-admit sa Vicente Sotto Memorial Medical Center.

Kini human sa nag-viral nga mga videos ug hulagway diha sa social media bahin sa mga tagtungod sa mga pasyente sa VSMMC nga anha nalang nangligdas sa aseras ug nabantang sa tanang elemento, gikan sa ulan, init sa adlaw, lamok, abog ug mga dautang tawo.

Maayo nga naa nay giablihang Pasilongan Center  sugod kagahapon Lunes, Oktubre 26, diin mahimong makapasilong ang mga watchers nga walay kapuy-an samtang nagpaospital ang ilang mga minahal sa kinabuhi sa VSMMC.

Ang maong sentro nga naay 40 ka higdaanan naa sa kilid sa Larsian atbang ra sa VSMMC, libre ang pasilidad sa gabii alang sa mga watchers nga kwalipikado.

Dili lalim nga naay pamilyang ma-admit og tambalanan ilabi na kun gikan sa lagyong probinsya.

Sakit pud paminawon nga ini og gawas sa ilang pasyente sa VSMMC, paglabay sa pipila ka adlaw ang mga watchers napud maoy ma-admit kay nasakit tungod sa pagligdas nila sa aseras.

Kompleto sad kini og mga gamit para pangkatulog, kasilyas ug banyo nga magamit sa mga mopahimulos sa serbisyo.

Ang ingon ni Gob. Pamela Baricuatro dugay na ni niya gimando, pero nalangan paghuman. Angay ni ipasalamat sa tanan.

Nalangan man tuod ni nga pasilidad makatabang kini sa mga tawo ug sa mga umaabot pang makapasilong niini kay sila ra pud ang gisaligan sa ilang mga pasyente nga nagkombate para mabuhi.s

Hagbay ra ni nga pasilidad gikinahanglan sa mga tagtungod, pila na man ka gobernador ang nangagi sa probinsya sa Sugbu, karon pa nahitabo.

Nagpasabot lang kini nga dili diay imposible, ug dili lisud buhaton kung gustohon gyud solusyonan ang nakita nga mga problema.

Kung lingion lang gyud sa mga hingtungdang mga opisyales ug atimanon mabuhat gyud diay kini. Political will, gahum nga naa ra unta sa tanang local officials.