P7.2 trilyong 2027 budget, lusot na sa pinal na pagbasa sa Kamara
MANILA, Philippines — Aprubado na sa ikatlo at pinal na pagbasa ng Kamara de Representantes ang panukalang P7.2-trilyong pambansang badyet para sa 2027 matapos itong makakuha ng 281 boto pabor, 13 tutol at isang abstention.
Ayon kay Speaker Faustino “Bojie” Dy III, dumaan sa masusing deliberasyon ang House Bill No. 10858 o General Appropriations Bill (GAB) upang matiyak na ang pondo ay nakatuon sa pangangailangan ng mga Pilipino.
Kabilang sa pinakamalalaking alokasyon ang P1.07 trilyon para sa edukasyon, kasama ang karagdagang pondo para sa ayuda sa mga estudyante, kaligtasan sa mga paaralan at mga programang pang-edukasyon.
Binigyan din ng prayoridad ang mga sektor ng agrikultura, kalusugan at transportasyon, kabilang ang mga programang tutugon sa posibleng epekto ng nakaambang Super El Niño sa mga magsasaka at mangingisda. Ang aprubadong panukala ay isusumite na sa Senado para sa bicameral deliberations.
- Latest
