Konsehal, misis natupok sa sunog

MANILA, Philippines — Kapwa nasawi ang isang konsehal at misis nito nang sila ay makulong ng apoy sa nasusunog nilang bahay sa New Hope Village, Brgy.107, Sta.Elena, Tacloban City, Leyte, kahapon ng umaga.

Sa report ng Bureau of Fire Protection (BFP) Regional Office, alas-6:08 ng umaga ay mahimbing na natutulog ang mag-asawa na umano’y napuyat matapos na dumalo sa isang birthday party ng kanilang kamag-anak nang mangyari ang sunog.

Mabilis na kumalat sa buong kabahayan ang apoy at nakulong ang mag-asawa at naapula ang apoy, alas-6:30 ng umaga at narekober ang sunog na katawan ng mga ito.

Kasalukuyan pang inaalam ang mga otoridad ang sanhi ng sunog habang tinatayang aabot sa mahigit P60,000 ang pinsala.