Presyo ng diesel, tataas ng P4/litro

MANILA, Philippines — Bunsod nang lumalalang tensiyon sa Gitnang Silangan ay posibleng tumaas hanggang P4 kada litro ang presyo ng diesel.

Ayon sa ilang oil industry source, batay sa unang apat na trading days ng Mean of Platts Singapore at foreign exchange averages, ang presyo ng diesel ay maaaring tumaas ng mula P2.00 hanggang P4.00 kada litro sa Hulyo 14.

Habang, ang presyo naman ng gasolina ay maaaring hindi gumalaw o di kaya ay magkaroon ng P1 kada litro na pag-rollback o pagtaas.

Ang pinal na paggalaw sa presyo ng mga produktong petrolyo ay iniaanunsiyo ng mga kumpanya ng langis tuwing araw ng Lunes at ipinaiiral naman kinabukasan.