Duterte suportado rally ng INC
MANILA, Philippines — Nagpahayag ng suporta si dating Pangulong Rodrigo Duterte sa mga nagsasagawa ng kilos-protesta na pinangungunahan ng Iglesia ni Cristo (INC).
Ang mensahe ni Duterte ay ipinarating ng kanyang anak na si Veronica “Kitty” Duterte sa pakikipag-usap niya sa mga taga-suporta ng kanyang ama sa The Hague, Netherlands nitong nakaraang Hulyo 1, 2026.
Sinabi ni Veronica na maiksi lang ang pahayag ng kanyang ama na nagsabi umano ng “sa mga Pilipino, ipagpatuloy n’yo ‘yan. So, take it however you think it means.”
“Sa abuso nila sa atin, darating ‘yung panahon na mapupuno talaga ‘yung Pilipino. So, ipagpatuloy n’yo ‘yan. ‘Yun ‘yung sinabi ni PRRD,” ani Veronica.
Maging si Veronica ay nagbigay rin ng kanyang personal na mensahe na dapat ipaglaban ang Pilipinas at ang kapwa.
“In whatever way you can, to all the Filipinos, ipaglaban n’yo ang Pilipinas, ipaglaban n’yo ang kapwa natin. Kasi hindi sila titigil hanggang tayo na talaga ‘yung magtayo para sa sarili natin. Hopefully, everything is peaceful,” sabi ni Veronica.
Si Duterte ay nakatakdang litisin ng International Criminal Court (ICC) dahil sa crimes against humanity.
- Latest
