Alden, ginawa nang outlet ang pagba-bike
Noong Sabado ay pinangunahan ni Alden Richards ang 15-kilometer bike ride event bilang pagdiriwang ng World Bicycle Day na ginanap sa Marikina.
Para sa Kapuso actor ay talagang malaki ang naitutulong ng kanyang pagbibisikleta sa personal niyang buhay. “Since marami akong engagements every day because of my work environment, isa ‘yung cycling sa tini-treat ko na outlet ko for mental health and at the same time para refresher ba. Para maka-eject lang ako do’n sa work environment and at the same time, makabalik ako (sa trabaho) na refreshed,” nakangiting pahayag ni Alden sa 24 Oras Weekend.
Masayang-masaya ang Asia’s Multimedia Star dahil sa paglaki ng cycling community sa Pilipinas. Tinatayang 800 daang siklista ang lumahok sa naturang event.
Ngayong araw ay nakatakdang simulan ang taping para sa Code Gray na pinagbibidahan ni Alden. Matatandaang nagkaroon pa ng immersion sa Ospital ng Maynila ang aktor kamakailan bilang paghahanda sa kanyang karakter bilang isang surgeon sa naturang medical drama series. “Natapos na rin namin majority of the preparations, also the immersion, script reading, look test and everything. So excited kami to grind for our first shooting day,” pagtatapos ng Kapuso actor.
Cassy, naloka sa pagkalantad ng kanyang ‘afam’
Kamakailan ay nakita si Cassy Legaspi na may kasamang foreigner sa naging bakasyon ng dalaga sa Siargao Island. Nagkaroon ng mga ispekulasyon ang netizens na posibleng kasintahan na ng aktres ang binatang banyaga. “Oh my gosh! Oh my goodness! Okay, nag-Siargao ako with friends and ako lang ‘yung first timer sa Siargao,” bungad ni Cassy sa 24 Oras.
Hindi raw inakala ng dalaga na magkakaroon ng ibang kahulugan ang pagkakatabi nila ng foreigner sa isla. (Reports from JCC)
- Latest
