Domeng lumabas na ng PAR

MANILA, Philippines — Lumabas na ng ­Philippine Area of Responsibility (PAR) ang bagyong Domeng kahapon ng hapon makaraang bahagyang humina habang patuloy ang pagkilos pahilaga malapit sa ­Okinawa, Japan.

Alas-11 ng umaga kahapon, si Domeng ay ­huling namataan ng PAGASA sa layong 710 km hilagang silangan ng Itbayat, Batanes taglay ang lakas ng hangin na 120 kph at pagbugso na 150 kph.

Gayunman, patuloy na makararanas ng mga pag-uulan at malakas na hampas ng hangin ang iba’t ibang lokalidad sa labas ng forecast confidence cone.

Alas-8 kagabi, si Domeng ay inaasahang nasa labas na ng PAR.