Pinay sa Hong Kong natagpuang patay sa dagat

MANILA, Philippines — Isang Pinay sa Hong Kong ang natagpuang lumulutang sa dagat, kamakalawa.

Sa ulat, alas-6:37 noong Huwebes ng umaga nang matagpuan ang naaagnas na bangkay ng hindi pa pinangalanang Pinay na lumulutang sa Tsing Yi Public pier.

Base pa sa ulat, isang concerned citizen ang nag-report sa mga awtoridad sa nakitang naaagnas ng 51-anyos na Pinay.

Kaagad umanong rumesponde ang mga bumbero, kung saan narekober nila ang naaagnas nang katawan ng biktima.

Nakuha mula sa bangkay ang isang ID subalit hindi pa mabatid kung pag-aari ito ng biktima.

Patuloy naman iimbestigahan kung aksidente ang pagkamatay ng biktima o kung may foul play.