‘Life’ sa 4 HK nationals
MANILA, Philippines — Apat na Chinese nationals na unang naaresto sa sinalakay na “floating shabu laboratory” sa loob ng isang barko sa Subic Bay noong Hulyo, 2016 ang hinatulan ng habambuhay na pagkabilanggo ng Olongapo Regional Trial Court Branch 74.
Bukod sa life imprisonment, inatasan din ng Department of Justice (DOJ) na magbayad ng tig-P5 milyon sa civil liability ang mga akusadong sina Shu Fook Leung, Kwok Tung Chan, Wing Fai Lo, at Kam Wah Kwok, pawang chemist at Chinese nationals mula sa Hong Kong.
Ang mga akusado ay napatunayang guilty sa posesyon ng 470 gramo ng shabu, hydrogenerator na gamit sa paggawa ng shabu.
Gayunman, idinismis ng korte ang kasong pagmamanupaktura ng iligal na droga dahil sa kakulangan ng sapat na ebidensiya.
Nabatid na ang mga akusado ay inaresto noong Hulyo 11, 2016 ng mga tauhan ng PNP-Anti Illegal Drugs Unit, Philippine Coast Guard, Bureau of Immigration at Bureau of Customs sa isang barko sa Subic Bay.
- Latest
