Summer season idedeklara na ng PAGASA

MANILA, Philippines — Posibleng ideklara na ngayong linggo ng PAGASA ang simula ng summer season.

Inaasahan daw kasi na tuluyan nang hihina ang northeast monsoon o amihan na siyang nagdadala ng malamig na hangin sa bansa.

“Nakita po namin na hindi na babalik si amihan at magdedeklara na po tayo ng tag-init nga­yong linggo,” pahayag ni PAGASA meteorologist Aldczar Aurelio sa radio interview.

Sa ngayon, naghahatid pa ito ng maulap na panahon at kalat-kalat na pag-ulan sa Cagayan Valley, Cordillera, Bicol, Ilocos, at Central Luzon.

Noong nakaraang taon, inanunsyo ng PAG­ASA ang simula ng summer season noong Abril 5.