Findings ng COA sa Tadeco-BuCor inalmahan
MANILA, Philippines - Umalma ang kampo ni Davao del Norte Rep. Antonio Florendo sa findings ng Commission on Audit (COA) na kumukuwestyon sa legalidad ng Joint Venture Agreement ng kanilang kumpanya sa Bureau of Corrections (Bucor).
Ang nasabing isyu ay para sa lease agreement ng Tagum Agricultural Development Company sa malawak na lupain ng Davao Penal Colony na ginawang plantasyon ng saging ng Tadeco.
Ayon kay Tadeco President and Chief Executive Officer Alex Valoria,ang COA findings na pinagbasehan din ng legal opinion ng Office of the Solicitor General (OSG) ay nakabase sa maling aplikasyon ng batas at mga probisyon ng konstitusyon
Paliwanag pa ni Valoria, mali ang pagturing ng COA sa kontrata ng Tadeco at Bucor bilang leasehold at tenancy agreement.
Iginiit pa ni Valoria, ang kasunduan nila sa Bucor ay naglalayong nakatulong sa rehabilitasyon ng mga preso sa Davao Penal Colony at segunda na lamang ang interes na pagkakitaan ito.
Batid umano ng Tadeco na hindi ito maaaring pumasok sa lease agreement sa Bucor base na rin sa Commonwealth Act 141.
- Latest
