Kahon-kahon ng bawal na paputok, winasak
MANILA, Philippines – Ilang oras bago ang pagsalubong sa Bagong Taon, kahon-kahon ng mga nakumpiskang ipinagbabawal na paputok ang winasak sa lalawigan ng Batangas kahapon.
Ayon kay Batangas Police Officer-in-Charge P/Sr. Supt. Arcadio Ronquillo Jr., isinagawa ang seremonya sa kanilang punong himpilan sa Camp Miguel Malvar, Batangas City bilang pagtalima sa direktiba ni PNP Chief Director General Ricardo Marquez sa “Oplan Iwas Paputok 2015”.
“The destruction of the confiscated illegal firecrackers were soaked into containers of water. This activity formed part of our “OPLAN Iwas Paputok 2015”, pahayag ng opisyal.
Una nang sinelyuhan ng PNP ang dulo ng baril ng mga pulis upang masigurong hindi ito magagamit sa pagsalubong sa Bagong Taon.
Sinabi ni Ronquillo na ang winasak na bulto ng mga paputok ay nakum-piska ng mga operatiba ng iba’t ibang himpilan ng pulisya sa lalawigan ng Batangas kaugnay ng determinadong kampanya kontra sa mga mapanganib na paputok.
Ayon kay Ronquillo bagaman tradisyunal na sinasalubong ang Bagong Taon sa pamamagitan ng pagpapaputok upang paalisin ang umano’y mga kamalasan sa buhay na siyang paniniwala ng mga matatanda ay dapat ring isipin ng netizens ang peligrosong maaring idulot ng bawal na paputok sa buhay ng sinuman at maging sa mga ari-arian.
Kabilang naman sa winasak na mga paputok upang hindi na ito maga-mit pa ay ang Judas Belt, Dragon 16, Mabuhay, piccolo, trompillo, Sawa, Ring 1000, at iba pa.
Samantalang matapos ang selebrasyon ng Bagong Taon ay tatanggalan na ng plaster ang dulo ng mga baril ng mga pulis upang alamin kung ginamit ito sa illegal discharge of firearms at maparusahan ang mga mapapatunayang lumabag sa kautusan.
- Latest