2016 salubungin ng pag-asa - PNoy
MANILA, Philippines – Hinikayat ng Malacañang ang taumbayan na salubungin ang 2016 na puno ng pag-asa upang makamit ng bansa ang mas maunlad na pamumuhay.
Binanggit ni Communications Sec. Sonny Coloma na sa survey ng Pulse Asia ay lumitaw na 89 percent ng mga Filipino ang positibo pa din na gaganda ang kanilang buhay sa 2016.
Wika ni Coloma, dapat sabayan ng sipag at pagpupunyagi ng mamamayan ang hangarin nilang umunlad ang kanilang pamumuhay at huwag lamang umasa sa ‘milagro’ at tulong ng gobyerno.
Aniya, bagamat ginagawa ng pamahalaan ang lahat upang lalong mapayabong ang ekonomiya ay dapat gampanan din ng taumbayan ang kanilang parte na magsikap upang umunlad ang kanilang pamumuhay.
“Dapat magtulungan ang gobyerno at taumbayan para matupad ang mas mayabong na 2016 at mas maunlad na pamumuhay para sa lahat,” dagdag pa ni Coloma.
- Latest
