Magsasaka pinutulan ng kamay
LEGAZPI CITY, Albay, Philippines – Pinutulan ng kamay ang 38-anyos na magsasaka matapos itong pagtatagain ng kabarong magsasaka na kanyang nakaalitan kamakalawa ng hapon sa Barangay Fabrica, bayan ng Bula, Camarines Sur.
Naisugod naman sa Bicol Medical Center ang biktimang si Jayson Doroin habang nasakote naman ang suspek na si Pedro Bona Jr., 52, ng nabanggit na barangay.
Pinaghahanap din ng pulisya ang utol ni Pedro na si Ignacio Bona na sinasabing tinuruan ang suspek na putulin ang kamay ng biktima. Sa ulat ng pulisya, nagpapahinga ang biktima sa kanyang bahay ng sugurin at pagtatagain ng suspek.
Maging si Ignacio ay tumulong sa kanyang utol na putulin ang kamay ng biktima.
Alitan sa lupa ang isa sa motibo ng mga suspek para isagawa ang pananaga laban sa biktima.
- Latest
