13th month, Xmas bonus ng gov’t employees ‘di bubuwisan

MANILA, Philippines - Hindi na bubuwisan ang natatanggap na 13th month pay at Christmas bonus ng mga empleyado ng pamahalaan.

Ito’y sa sandaling maipasa ang House Bill 3974 na inihain nina Rep. Estrellita “Ging” B. Suansing (1st District Nueva Ecija) at Rep. Angelina Tan (4th District Quezon).

Sinabi nina Reps. Suansing at Tan na hindi dapat lagyan ng buwis ang 13th month at Christmas bonus ng mga kawani ng pamahalaan kung ito’y halagang P30,000 lamang.

Layunin ng panukala na magamit ng mga pamil­ya ng mga kawani ang kanilang 13th month pay at Christmas bonus sa panahon ng kapaskuhan kung saan mas mara­ming gastusan at panga­ngailangan.

Ipinanukala rin nina Suansing at Tan na taasan ng mula P 30,000 hanggang P75,000 ang natatanggap na 13th month pay at Christmas bonus ng mga empleyado.

Naniniwala ang da­lawang kongresista na may karapatan ang bawat kawani ng pamahalaan na makatanggap ng sapat na mga benepisyo na naaayon sa batas upang maging disente ang pamumuhay ng bawat empleyado ng gobyerno.