A Song of Praise Music Festival 2011
MANILA, Philippines - Kadalasan tungkol sa pag-ibig para sa isang minamahal ang lyrics ng isang kanta.
Ang mga walang kamatayang love songs na ito ang naririnig sa airwaves at naging bahagi na ng ating mga buhay.
Minsan ay hindi natin napapansin na ang Panginoong Diyos, ang ating Lumikha, ay bihirang mabanggit sa naturang mga world-renowned songs.
Para ibalik ang pangalan ng Panginoong Diyos sa awitin, ilulunsad ng UNTV ang “A SONG OF PRAISE” MUSIC FESTIVAL.
Sinimulan bilang isang church annual songwriting competition, ang ASOP ay bukas sa lahat ng amateur at professional songwriters nationwide. Sa mga nakalipas na taon, ang ASOP ay nakatanggap at nakapaglabas na ng mga songs of praise na nagpapasalamat sa Panginoong Diyos na naging parte ng buhay ng mga partisipante.
Ang ASOP ang na ging lugar para sa iniisip at nararamdaman ng songwriter na isinama sa kanta. Hangad ng programa na mahikayat ang mga songwriters na lumikha ng innovative styles sa pagsusulat at paggawa ng kanta para papurihan ang Panginoong Diyos.
Ang ASOP para sa telebisyon ay pamamahalaan nina Richard Reynoso at Toni Rose Gayda bilang mga hosts. Isasaere ito tuwing Linggo mula alas-7 hanggang alas-8:30 ng gabi sa UNTV.
- Latest
- Trending
