Bagong date ni P-Noy ipinakilala

MANILA, Philippines –  Ipinakilala ni Pangulong Benigno Aquino III ang kanyang latest ‘apple of the eye’ sa kanyang mga kapatid na babae sa isang private party kamakalawa ng gabi.

Inamin ni Kris Aquino-Yap sa programa sa DZMM na isinama at ipinakilala ni Pangulong Aquino ang kanyang ‘nililigawan’ na si Len Lopez.

Ayon kay Kris, napakasimple at napakaganda ng bagong date ni P-Noy nang ipakilala ito sa kanilang magkakapatid.

Aniya, mas payat pa kay Kim Chiu ang bagong apple of the eye ng Pangulo na nakilala niya sa birthday party ng kanilang pinsan na si Tony Boy Cojuangco kamakailan.

Magugunita na inamin din ni P-Noy na mayroon na siyang bagong ‘apple of the eye’ subalit nakiusap siya sa media na huwag nang ‘balubugin’ ito dahil isang pribadong tao ang kanyang ‘date’ ngayon.