11 bagyo papasok sa bansa
MANILA, Philippines - Aabot sa 11 mga bagyo ang papasok sa bansa hanggang Disyembre.
Ayon sa PAGASA, una nang dumating sa bansa ang dalawang sama ng panahon at ang isa dito ay kakalabas lamang ng Bataan.
Sa ngayon ay may isang bagyo pa lamang ang nakakapasok ngunit wala pang major typhoon na namamataan ang PAGASA malapit sa karagatang sakop ng Pilipinas.
Ayon kay forecaster Mario Palafox, posibleng dalawang bagyo ang papasok ngayong Hunyo sa loob ng Philippine area of responsibility.
Karamihan sa mga bagyo ay manggagaling sa karagatang Pasipiko.
Magugunitang idineklara na rin ng PagAsa ang pagsisimula ng tag-ulan sa Pilipinas, matapos ang labis na init ng panahon nitong mga nakaraang buwan.
- Latest
- Trending