Barko tumaob: Pinoy seaman, patay; 7 pa nawawala

MANILA, Philippines - Kinumpirma kaha­pon ng Department of Foreign Affairs na isang Filipino seaman ang nasawi habang 13 pa niyang kababayan ang nasagip nang tumaob ang kanilang sinasak­yang barko sa karaga­tang sakop ng Tripoli, Lebanon sa kasagsa­gan ng masamang lagay ng panahon dito nitong nakalipas na linggo.

Ayon sa DFA, bukod sa mga nailigtas, pito pang seaman na Pili­pino ang nawawala at pinaniniwalaang tina­ngay ng malalakas na alon at nalunod sa ka­ragatan matapos buma­ligtad ang Panamanian-flagged ship Danny F II sa Tripoli coast noong Disyembre 17 dahil sa pagtama ng malakas na bagyo sa Lebanon.

 Sa report ni Charge d’ Affaires Pendosina Lomondot ng Emba­hada ng Pilipinas sa Beirut sa DFA, ang mga nailigtas na Pilipino ay kinilalang sina Danilo Policarpio, Wilson Vi­cente, Lezer Gepul­gani, Micheal Olivia, Edgardo Pucan, Jona­than Rada, Rafael Tar­roza, Erasmo Galanza, Leolen Ba­bao, Rogelio Dequina, Joebert Beno­man, Jo­wey Quinto at Jason Magsino.

Pansamantala na­mang hindi tinukoy ng DFA ang pangalan ng nasawi at pito pang pinaghahanap.

Umalis ang Danny F II sa Montevideo sa Uruguay noong Nob­yem­bre 23 na may kar­gang 10,224 tupa at 17,932 baka nang ma­aksidente. (Ellen Fernando)