78 katao hinostage!

MANILA, Philippines - Umaabot sa 78 ka­tao na kinabibilangan ng mga guro at estud­yante ang puwersahang tina­ngay at hinostage ng 25 mga armadong kalala­kihan sa naganap na ka­rahasan sa bayan ng Pros­peridad, Agusan del Sur kahapon ng umaga.

Sa inisyal na report ni Sr. Supt. Nestor Fajura, Operations Chief ng CA­RAGA Regional Police Of­fice, mag-a-alas-8 ng uma­­­ga kahapon nang du­kutin ng binansagang Perez Group ang mga bikti­ma sa Sitio Maitum, Bgy. San Martin ng nasa­ bing bayan.

Sinasabing dinala ng mga suspek ang mga bik­­­tima na ang mga ba­tang estudyante ay nasa 10 ang bilang sa bahagi ng 2KM Northeast ng Sitio Maitum sa nasa-bing barangay.

Ayon kay Fajura, ang mga suspect ay pinamu­munuan ng isang Undo Perez, may warrant of arrest sa kasong murder at nahaharap sa samut saring kaso ng robbery sa nasabing lugar.

Inihayag ng opisyal na kasalukuyang tinutu­gis ng mga awtoridad ang grupo ni Perez kung saan ng malapit na ang mga itong masukol ay hinos­tage ang mga guro at estudyan­te na papa­ sok na sa Ma­itum Ele­mentary School.

Kabilang naman sa demand ng mga suspect ay battery ng flashflight, sigarilyo, pag-aresto kay Jun Tabay na kalaban ng kanilang grupo, media­men para mag-interview, pagpapatigil ng military operations laban sa ka­nilang grupo at pag-atras sa kanilang mga kasong kriminal.

Nabatid na ang Perez at Tubay gang ay magka­away na grupo ng mga elementong kriminal sa lugar matapos umanong paslangin ng grupo nina Tubay ang pamilya ni Perez noong Pebrero ng taong ito.

Nagawa namang ma­katakas ng isang gurong hostage na kinilalang si Marilou Magpale mata­pos itong magtatakbo at magtago.

Kaugnay nito, bumuo na ng Crisis Manage-ment Committee sa pa­mu­muno ni Agusan del Sur Gover­nor Tina Plaza na nagsa­sa­gawa ng ne­go­sasyon para sa pagpa­palaya sa mga bihag.

Nagres­ponde na rin sa lugar ang tropa ng Army’s 402nd Brigade at ng lokal na pulisya upang ligtas na mabawi ang mga hinostage.

Habang isinusulat ang balitang ito ay sinasabing 18 ang pinalaya na.