Public Attor­ney's Office nag-react kina Kris at Noynoy

MANILA, Philippines - Tiwala si Public Attor­ney’s Office (PAO) Chief, Atty. Persida Rueda-Acos­ta na mapapatawad rin ng magkapatid na Kris at Senador Noynoy Aquino ang 10-sundalong pinala­ya na akusado sa pagpa­tay sa kanilang ama.

Ito ang reaksyon ni Acosta matapos magpa­ha­yag ng pagkadismaya si Kris at Noynoy sa paglaya ng 10 sundalong sinen­tesiyahan ng korte mata­pos mapatunayang guilty sa Aquino-Galman murder case.

Ayon kay Acosta, tulad ng bilangguang may limi­tadong espasyo, may hang­ganan din ang paru­sang iginawad ng batas laban sa kanyang mga kliyente.

Nilinaw nito na napag­dusahan na ng mga convicted soldiers ang igina­wad na sentensiya sa ka­nila at karapatan lang nila na ma­kalaya alinsunod sa itina­ tadhana ng batas.

Una nang binanggit ni Kris na walang kapata­waran ang ginawang pag­patay sa kanyang ama lalo pa at malinaw ang mga ebiden­siyang nagpapa­tunay na sila ang pumas­lang sa dating senador.

Binanggit din ni Acosta na kung ang 8 sa 10 sun­dalo ay nakauwi na sa kani-kanilang pamilya, sina Claro Lat at Arnulfo de Mesa ay nananatili pa rin sa panga­ngalaga ng PAO dahil wala ng mauwian.

Pinabulaanan naman ni Acosta na nakatanggap ng P200,000 gratuity ang 10-sundalo mula sa New Bilibid Prisons (NBP) at sinabing P200 lamang ito. (Gemma Amargo-Garcia)