Publisher nahatulan sa libel

Pinatawan kahapon ng Makati Regional Trial Court ng mula anim na buwan hanggang dala­ wang taon na pagkakabi­langgo si pub­lisher at The Daily Tri­ bune editor-in-chief Niñez Cacho-Oliva­rez ma­ tapos na ma­patu­na­yan ng korte na “guilty” ito sa isa sa 48 libel cases na isinampa laban sa kanya ng law firm na “The Firm.”

Bukod pa rito, inaata­san din ni Makati RTC, Branch 59 presiding judge Winlove Dumayas si Oliva­rez na magbayad ng P5 milyong moral da­ mages at P33,732 naman para sa civil da­mages sa Carpio Villaraza o ngayo’y Villara­za, Cruz, Mar­celo and Ang­cangco Law firm.

Nag-ugat ang kaso nang ilathala ni Olivarez sa kanyang artikulo noong June 23, 2003 sa The Daily Tribune ang aniya’y maa­no­malyang transaksiyon na kinasasangkutan ng nasa­bing law firm kaugnay sa nabalam na operasyon ng NAIA Terminal 3.

Sa panayam naman kay Olivarez, sinabi nito na noon pa man ay inaasahan na niyang papatawan siya ng korte ng “guilty.” 

Nakatakdang iapela ni Olivarez sa Supreme Court ang nasabing desisyon ng korte dahil hindi dapat uma­no patawan ng pagkabi­lang­go ang anumang libel case. (Rose Tesoro)