Cayetano mananagot
Nagbabala kahapon ang isang Doctor of Laws na maaaring mademanda si Senate Blue Ribbon Committee chairman Alan Peter Cayetano oras na sampahan niya ng kaso si Pangulong Arroyo dahil sa ZTE deal sa kabila ng kanyang pag-amin na walang ebidensiyang nag-uugnay sa Punong Ehekutibo sa naturang transaksiyon.
Inilarawan ni Dr. Arturo de Castro ang
Sinabi ni de Castro na kataka-taka kung bakit tila hindi alam ni Cayetano, na isa ring abugado, na ang malisyosong prosekusyon ay sakop ng krimeng “intriguing against honor,” na ipinagbabawal sa ilalim ng Civil Code.
Niliwanag ni de Castro na ang “intriguing against honor” ay hindi saklaw ng privileged communication kahit si Cayetano ay isang senador ng bansa.
“Si Pangulong Arroyo mismo ang nagkansela sa ZTE deal. Hanggang ngayon, walang maipakita kahit isang pirasong ebidensiya ang mga umano’y testigo sa kontrobersiya. Ang tangi nilang katibayan ay ang kanilang salita,” sabi ni de Castro.
Kapag itinuloy ni Cayetano o ng Senate Blue Ribbon committee ang paghahabla sa Pangulo, sinabi ni de Castro na oras na para sa sambayanan na pag-aralang mabuti ang paghiling sa pagbuwag sa Senado.
- Latest
- Trending