Bitay sa Pinay kinansela

Pansamantalang kinansela kamakalawa ng isang korte sa Kuwait ang pagbitay sa 33-anyos na Pilipinang domestic helper na si Marilou Ronario kaugnay ng kaso niyang pagpaslang sa kanyang among babae noong Setyembre 2005.

Sinasabi sa isang ulat mula sa embahada ng Pilipinas sa Kuwait na binigyan si Ranario ng pagkakataon na umapela sa Court of Appeals ng naturang bansa o makabayad ng blood money sa pamilya ng biktima.

Ayon sa mga opisyal ng embahada, may tagubilin si Pangulong Gloria Macapagal-Arroyo na umapela sa korte kahit pa magbayad ng blood money para lang maisalba ang buhay ni Ronario. (Rose Tamayo)