Senado inisnab ni Keanna

Hindi sinipot ng self-confessed escort girl na si Keanna Reeves at iba pang artista ang isinagawang imbestigasyon ng Senado ukol sa kontrobersiyal na escort service sa mga pulitiko at mayayamang negosyante.

Sa pagdinig ng Senate committee on labor and employment na pinamumunuan ni Sen. Jinggoy Estrada, nabigo ang komite na malaman kung sino ang mga naging kliyente ni Keanna na may koneksiyon sa pamahalaan at Kongreso.

Hindi rin sumipot ang isa pang escort girl na si Francine Prieto at ang dating Viva Hotbabes na si Maui Taylor na inimbitahan upang magsalita sa isyu.

Dahil dito, padadalhan ni Sen. Estrada ng subpoena si Keanna para mapuwersa itong dumalo sa susunod na hearing. (Ulat ni Rudy Andal)