Sona ng Pangulo uulanin ng protesta

Uulanin ng malawakang kilos protesta ang nakatakdang state of the nation address (SONA) ni Pangulong Arroyo sa Hulyo 23 sa ika-12 taong pagbubukas ng sesyon ng Kongreso.

Sinabi ni Apolinario Alvarez, secretary general ng Anakbayan, igigiit nila sa Kongreso gayundin sa Malakanyang ang tuluyang pagbasura sa ROTC, hustisya sa pagkamatay ng hazing victim na si Mark Chua at pagpapahusay ng pamahalaan sa sistema ng edukasyon sa bansa.

Kinondena din ng naturang grupo ang pahayag ng military na ang ROTC ay magbibigay daan para sa reporma at mapapalakas ang military training.

Nais ng samahan na itigil na ang ROTC sa bansa upang hindi na masundan pa ang isang Mark Chua slay. (Ulat ni Angie dela Cruz)