“Forever Fyang”

CEBU, Philippines — Sudlan napud sa  "Pinoy Big Brother Gen 11" Big Winner nga  Fyang Smith  ang kalibotan sa musika. Gikatakda  niya nga ilusad ang iyang labing una nga  music album nga  “Forever Fyang” karong Hunyo 22.  “Aminado naman po ako sa lahat na hindi ko forte 'yung pagkanta and super open po talaga ako dun — na 'pag may nagsasabi ng ‘hala bakit may concert, bakit may album launch,’ mga ganyan… well, I’m trying my best para maganda 'yung paggawa ng kanta,” saysay pa ni Fyang sa interview niini sa ABS-CBN News.

Dentista na!

 Dentista na ang  Pinoy Big Brother: Gen 11 housemates nga sila si  Joli Alferez ug  Gwen Montano. Nakapasar ang duha sa Dentists Licensure Exam karong tuiga. Malipayon ang duha gumikan kay nakakuha gyud sila og positibong resulta sa ilang pagkugi.  Si Fyang Smith ang grand winner   sa batch nila ni Joli ug Gwen sa PBB.

Dili sipsip

Mapasalamaton ang chairperson sa Film Development Council of the Philippines (FDCP)  nga si Direk Joey Reyes sa pagsuporta sa kagamhanan   sa iyang mga programa. Giklaro ni Direk Joey nga dili siya sipsip ug igo ra siya nagpasalamat sa mga nisuporta sa FDCP.

KimPau magpares  sa romance- suspense nga “The Alibi”

Dili basta-basta nga mga karakter ang pagadalhon  nila  ni  Kim Chiu ug Paulo Avelino  alang sa subli nila nga panagpares  sa romance-suspense series sa ABS-CBN nga “The Alibi”.

Gianunsyo kagahapon sa ABS-CBN ang bag-ong proyekto sa KimPau  pinaagi sa pagpakita  sa mga hulagway sa mga bida nga dunay koneksyon sa maong umaabot nga Kapamilya series.

Ang “The Alibi” kay pagahuptan sa  mga  direktor nga sila FM Reyes ug Jojo Saguin, sinulat ni Danica Domingo, ug ginama Dreamscape Entertainment nga mao pud ang nagdumala kaniadto sa hit series nga  “Linlang.”

Kini ang bag-ong  proyekto nila ni  Kim ug Paulo human kalamposan sa mga proytekto nila kaniadto nga  “Linlang” ug ang

Philippine adaptation sa “What’s Wrong With Secretary Kim.”  Nagpares  usab sila sa box-office hit sa Star Cinema nga “My Love Will Make You Disappear.” 

NCAFI pasidunggan sa SUDI National Music Awards

Ang Cebu Popular Music Festival, pinaagi sa New Cebu Arts Foundation, Inc. (NCAFI) mapasigarbohong mipadayag sa ilang pagpasalamat human napili isip usa sa mga pasidunggan nga organisasyon sa  halangdon nga SUDI National Music Awards sa National Commission for Culture and the Arts (NCCA).

Natukod niadtong 1981 ni Hon. Eduardo R. Gullas, ang Cebu Popular Music Festival kay anaa na karon sa ika-43 ka tuig, ug giila nga longest-running songwriting competition sa nasud.

Gipatigbabaw sa maong music festival ang walay puas nga misyon sa pagpreserba, pag-amuma, ug pag-ugmad sa Sugbuanon nga musika.

Ang awarding ceremony kay pagahimoon didto sa kaulohan karong Hulyo 27, 2025.

Sulod sa pipila ka dekada, nahimo kini nga plataporma sa pagdiskubre og daghang songwriters ug sa samang paagi, nakatabang sa pagsugod sa karera sa mga iladong performers — lakip na si Sharon Magdayao, nga mas nailhan karon isip Vina Morales.

“This award stands as a testimony to the relentless & untiring efforts of the people behind the festival who continue to believe that Cebuano songs should be heard alongside foreign composition,” tipik statement sa Cebu Popular Music Festival nga namantala sa ilang Facebook account .

Maven mipalanog sa iyang back-to-back songs

Milusad sa  duha niya  ka komposisyon nga “Gustong Gusto (I Like It So Much)” ug “Papunta Na Ako (I’m On the Way)”  ang singer-rapper nga si MAVEN nga ubos  sa  Star Music label sa  ABS-CBN. .

Si MAVEN o Dustin Gipala  sa tinoud nga kinabuhi ,  kay usa sa mga contender sa “Tawag ng Tanghalan Kids” Season 1 ug nahimong  contestant sa blind auditions sa “The Voice Kids” niadtong 2015. Sukad  niadtong 2019, nahimo siya nga  aktibo  isip cover artist sa YouTube, kun diin nakapadayon siya sa pagpasundayag sa iyang talento.

“Yow! Nabuo yung song na ‘yan dahil sa passion and love, ‘di dahil trip kong maging bastos o maangas. Gusto ko lang ilabas yung side ko bilang artist sa ganyang paraan,” Instagram story sa singer.

Sa niaging  bulan, gi-release  ni MAVEN ang iyang una nga hip-hop/R&B recording nga “Dito Ka Muna.”

Madungog sa nagkalain-laing  streaming platforms ang mga bag-ong awit  ni MAVEN.

Richard dunay upcoming project sa Regal

Gianunsyo sa Star Magic  kagahapon   nga dunay umaabot nga proyekto si   Richard Gutierrez sa  Regal Entertainment.

Sa gipaambit nga hulagway sa social media,    nahimamat ni Richard ang pipila ka executives sa  Regal Entertainment .

Nagpanikad na ang fans sa aktor sa umaabot nga proyekto sa ilang idolo.

Kasamtangang makita si Richard sa   Kapamilya hit series  nga  "Incognito" kauban sila si  Daniel Padilla, Ian Veneracion, Maris Racal, Kaila Estrada, Baron Geisler ug  Anthony Jennings.