John En Ellen

CEBU, Philippines — Nag-lock in taping na sugod kagahapon sila si John Estrada ug Ellen Adarna para sa ilang sitcom nga isalida sa TV5 sugod karong January 17. Giulohan og John En Ellen, inspired kini sa John En Marsha ni Comedy King Dolphy kaniadto. Sa usa ka mansion sa Antipolo gipahigayon ang ilang lock in taping. Lakip sa cast sila si Ronaldo Valdez, Lamboching, Long Mejia, ug Angelina Cruz. Si kanhi ABS-CBN creative manager Willy Cuevas ang direktor ubos sa Ichthus Productions ni John.

Ikiha gyud

Pasakaan na gyud og kaso sa Optical Media Board ang nagpirata sa mga pelikula sa 2020 Metro Manila Film Festival. Upat ang naa sa ilang kustodiya samtang 49 tanan ang ilang ikiha. Suma pa lakip sa gipirata mao ang Fan Girl, Mang Kepweng ug The Boy Foretold By The Stars.

Bruha Supplier

Gilabtikan na pud ni Korina Sanchez ang usa ka basher nga nagnilabad niya. Nagpost si Korina og hulagway niya samtang anaa sa usa ka restaurant sa Tagaytay nga bag-o lang niyang nakaplagan. Komento sa basher: Bruha is in the house, where's your broom? Pwes wala kini palabya ni Korina ug gitubag: Nawawala ang broom ko. Padala ka saken.Diba ikaw Yung bruha supplier dahil ikaw ang pinaka bruha sa lahat?1 follower? Nag sarado ka na ng tindahan troll (thumbs down emoji)”.

Si Ricci Na

Regular host na sa Sunday Noontime Live sa TV5 si Ricci Rivero isip hulip kang Donny Pangilinan nga daan nang niingon nga dili siya magdugay sa maong show sanglit iya lang girespeto ug gisuportahan si Mr. M o Johny Manahan nga maoy direktor niini. Magpabilin nga kapamilya si Donny ug gitakda nga adunay project nga himuon nga mao ang He's Into Her kauban ang iyang ka loveteam nga si Belle Mariano ug isalida kini sa IWant TFC.

Nasorpresa lang

Giklaro ni Jodi Sta. Maria nga wala siya batia og pangabubho sa uyab sa iyang anak nga si Thirdy Lacson. Nasorpresa lang matud pa siya nga aduna nay girlfriend ang iyang 15 year old nga anak. Alam ko naman na darating iyong time na magkakaroon ng girlfriend si Thirdy."It was just it came as surprise to me dahil hindi ko ine-expect na ito na, agad-agad, now na. Kana maoy giangkon ni Jodi sa iyang latest vlog kauban si Thirdy, kansang amahan mao si Pampi nga anak ni Senator Panfilo Lacson.

Happy birthday, Liza!

Hamubo apan matam-is ang birthday message ni Enrique Gil para sa iyang hinigugma nga si Liza Soberano.

"We may be in an island far away but my paradise is always with you. Happy Birthday my love! 23 to infinity." Birthday ni Liza adtong Lunes. Twenty-three years old na siya.

Walay arte arte

Gidayeg ni Joseph Marco ang iyang co-stars sa Metro Manila Film Festival entry nga The Missing nga sila si Ritz Azul ug Miles Ocampo. Suma pa ni Marco, walay ka arte arte ang duruha ug professional kaayo motrabaho. Didto sa Japan ang shooting sa maong pelikula.

Buotan kaayo

Labihan ka buotan ni Kim Chiu. Kini maoy hiniusang pamahayag sa iyang mga igsuon nga sila si Lakam, William ug Twinkle. Gipadayeg kini nila atol sa mukbang challenge nilang managsuon sa ilang pagbakasyon sa Boracay niadtong pasko ug gipakita pinaagi sa latest vlog ni Kim. Suma pa sa managsuon, matinabangon ug manggihunahunaon kaayo si Kim nilang managsuon diin mas unahon pa sa aktres iyang mga igsuon una pa ang kaugalingon niini.

#Lovelovelove

New year's resolution ni Kris Aquino mao nga: everyday do something that makes me happy". Ingon man, “And be sure to make another or others happy".

Paduding ang Julia

Naintriga ang netizens kun nagkuyog ba si Gerald Anderson ug Julia Barretto niining hulagway nga gi-upload sa aktres agig pagpaila sa iyang bag-ong iro. Apan may mga niingon nga dili na kinahanglan ipangutana pa sanglit tataw nga kang Gerald ang balbon nga kamot nga nakita sa hulagway. Klaro sab matud pa nga si Gerald ang nag regalo sa maong iro sanglit ingon niini matud pa iyang regalo sa iyang mga ex kaniadto. Ang mga fans ni Julia nipadayag nga happy matud pa sila sa ilang idolo. May mga niingon nga panahon na nga angkunon nila ngadto sa publiko ang ilang relasyon.