Nangadlawon sa Audition

Uty ug karun palang happy vibes lang ang atong saw-an! Niaging semana napuno sa mga BisDak ang Robinsons Galleria Cebu sa gipahigayon nga StarStruck audition. Sa unang adlaw kay naHugyaw ang mall kay wala pa ni open pero ang linya mura’g bitin kataas sa mga StarStruck hopefuls. Siyempre, kay best in assist ang akong beauty nangutana ko sa nag una sa linya ang 0001 kun unsa siyang orasa nilinya para makuha ang no. 1 spot. Hala noh? Kadlawon palang nagbabag na siya sa entrance area para makauna lang gyud. Daghan usab kaayo ang gikan pa sa laing lugar sama sa Bohol, Leyte, Siquijor ug Negros Oriental ! Ang ilang journey kay dili ana kasayon— ang uban kay nanghuwam pa og plete, nag solicit para lang makaabot sa Cebu para sa ilang #StarStruckExperience. Naa pa gani gikan pa sa gawas sa nasud tungod kay wala siya kaabot sa Manila audition niari lang siya sa Cebu. Feeling nako kay mura pud ko nag audition kay giapil ko sa ilang mga acting piece— dunay usa ang akong role kay papa nga hapit na mamatay. Duna’y usa ka eskena nga papa nga molayas unya akong sagpaon ang StarStruck hopeful. Pak! Kasakit sa akong sagpa kay nakahilak intawon si Dodong! Present usab si Dave Bornea ang nahimo natong pambato sa StarStruck kaniadto para mahimong inspirasyon sa tanan. Wala’y shortcut sa StarStruck ingon pa ni Dave. Ang ilang naagian sama sa paglinya,pagpakita on stage sa iyang talent— kining tanan iyang naagian. Mao nga ang mensahe ni Dave padayon lang gyud sa inyong damgo kay usa ka adlaw niana makab-ot nimo ang imong mga damgo.

Pagkahapon, break usa sa audition kay  ang cast sa umaabot nga GMA Telebabad nga “ Sahaya “ ang nilingaw sa mga Kapusong Cebuano para sa usa ka Kapuso Mall Show kauban si Migo Adecer, Miguel Tanfelix ug Bianca Umali. Ang init nga pagdawat sa mga Kapuso Stars mas nakapaHugyaw sa audition kay up close and personal nila nakita ang ilang mga idolo. Wala usab sipyata nilang Migo Adecer ug Miguel Tanfelix ang paghatag og mga tips sa mga ni audition nga “ magpakatotoo ka” o kun unsa ka mao ang imong ipakita. Enjoy your audition, pabagaay na sa nawong, give your best! Mao nga sa mga tanang ni audition huwata ang tawag sa mga taga StarStruck,  ug good news sa wala niadto sa venue para mo audition, pwede naka mo apply on line. Ang deadline of submission kay karung February 28. Be the next Kapuso Star the StarStruck Experience. Para sa dugang detalye bisitaha ang www.StarStruckGMA.com

Balikan nato ang Kapuso Mall Show, tagsa tagsa ni perform ang cast sa Sahaya. Ang Sahaya usa kini ka istorya sa usa ka babaye nga badjao nga nagmadaugon bisan paman sa mga pagsuway sa kinabuhi. Sa iyang pakigbisog sa kinabuhi, si Sahaya nagpabilin nga matuod sa iyang kultura ug mga pagtulun-an isip usa ka badjao. Bisan sa pagsupak sa gahum sa gugma. Mao nga pakpak sa cast sa Sahaya kay nagmalampuson ang Kapuso Mall Show.

Bulag na lagi

Niadtong nilabay nga tuig pa gyud nagbulag sila si Miss Universe Catriona Gray ug ang modelo nga si Clint Bondad.

Kini maoy pag-angkon mismo ni Catriona atol sa iyang interview sa Tonight With Boy Abunda show niadtong Biyernes sa gabii, diin iyang gibutyag nga sa wala pa sila nilarga alang sa Miss Universe pageant didto sa Thailand nagkaproblema na silang daan.

Giklaro ni Catriona nga single na siya karon, apan wala na niya gidetalye kinsa maoy nakigbulag.

“It’s when you’re together for so long and you start off from a very young age. You grow—whether that be in your personal, or in your career, or whatever—sometimes you just kind of… you outgrow each other, in a way,” pamahayag niya nganong nagbulag sila.

Wala na mudetalye pa si Catriona apan iyang gipalanog nga mapasalamaton kaayo siya ngadto kang Clint.

“I’m always grateful to him for the time I shared with him, coz he has seen me through so much, I’ve seen him through so much.

“We both supported each other. It just didn’t work.

“And I don’t wanna talk about it that much... One, I’m private; and two, I greatly respect him and I’m grateful for the time that I had with him.

“I just wish him the best.”

Samtang kagahapon sa buntag, gi-unfollow nan i Clint si Catriona sa Instagram. Nasayran nga bugtong si Catriona ra gyud ang iyang gi-follow kaniadto. Hinuon,padayong nag-follow sa iyang ex-boyfriend ang maong Miss Universe.

Hinuon namahayag si Clint sa iyang IG post kagahapon nga si Catriona pa gihapon ang labing maanyag nga binuhat alang kaniya.

“You are still the most beautiful woman that I have ever met.”

“I wish you the very best on your path, wherever it will carry you...Truly.”

Matud ni Clint, ang ilang panagbulag dili maoy ilang gitinguha apan maoy kinahanglang mahitabo niining tungora karon sa ilang kinabuhi.

Milungtad og kapin unom ka tuig ang ilang relasyon.

Post ni Clint Bondad niadtong February 2018, nga makita gihapon hangtud karon sa iyang IG account lakip na ang uban pang mga hulagway ni Miss Universe.