TV show ni Dingdong

Mulugwa na sa telebisyon ang “Amazing Earth” diin si Dingdong Dantes maoy host niini sa GMA-7. Matud pa nga June 17 ang pilot episode niini, diin ipakita unsa ka maanindot ang atong planeta. Samtang nagmaya gyud  og maayo ang kampo ni Dingdong gumikan kay padayon nga gilinyahan ang pelikula nila ni Anne Curtis, ang “Sid &Aya” nga nilapas na og 100 million ang kita sa takilya.

“Fake News’ diay

Gihimakak ni direk Erik Matti ang namantala sa usa ka tabloid kagahapon nga matud pa nibiya o gibuhian na niya ang Darna project nga pagabituonan ni Liza Soberano. Suma pa sa director nga lima ka tuig na siyang naglihok niining maong proyekto ug nungka nga mu-surrender siya karon.

Sangre Productions

Daghang fans sa original nga Encantandia pantaserye sa GMA-7 nagmaya gumikan  sa gikatahong reunion project sa original sangres nga sila si Sunshine Dizon, Karylle, Diana Zubiri ug Iza Calzado. Pinaagi sa IG posts nila ni Sunshine ug Diana, nasuta nga nagmugna og kaugalingong movie outfit ang mga nahisgutan nga ilang ginganlan og Sangre Productions. Ang maong production outfit mao mismo ang mu-produce sa ilang reunion project.

Be Nice

“Be nice. Be sensitive.” Kini mensahe ni Ryza Cenon sa publiko kabahin sa depresyon. Suma pa niya, dili matud pa lalim ang depresyon, busa mas maayo nga pangumustahon gyud ang mga higala ug ipabatyag nga andam kita nga mo-unong kon ugaling magkinahanglan og atensyon atong mga higala nga nahiagom og depresyon. Matud ni Ryza dili gyud matud pa mahitabo nga mangayo og tabang ang usa ka depress nga tawo basi sa iyang kasinatian, busa angayan nga kita gyud maoy mo-una.

Giswerte huma’g panganak

Gipadayag ni Empress Shuck nga wala siya nagdahom nga human niya og panganak, daghan gihapong projects ang muabot kaniya, hinungdan nga labihan niyang nakapasalamat. Matud niya, blessing gyud ang iyang two-year old daughter nga si Anathalia. Duha ka mga pelikula ang pagahimuon ni Empress pagkakaron. Kini mao ang “A Spark in Samar” kauban sila si Kristel Fulgar ug Andrea Brillantes, ingon man ang historical movie nga “Goyo.”