Peanut Butter Banana Sandwich

Balik trabaho og eskwela na pud ang peg karong panahona human sa taas-taas nga bakasyon.

Nagsugod na usab ang kahuot sa dagan sa trapiko sa kadalanan tungod kay hapit na usab ang Pasko.

Ug kay hapit na man ang Pasko, daghan na usab ang mga kasikas nga naglinya tungod kay aduna na pu’y mga gathering o mga selebrasyon nga angayan nga tambungan.

Mahimo nga mangandam og espesyal nga pagkaon nga alang sa tanan ug kini mao ang peanut butter banana sandwich.

Swak usab kaayo kini sa pamahaw ilabi na kadtong dili kaayo mahiligon og heavy meal.

Suma pa sa www.healthambition.com, iIado na ang saging ug ang peanut butter nga dunay content sa  potassium nga  momintinar sa maayo nga system sa atong kasingkasing ug ang regular nga pag-agay-ay sa dugo sa atong lawas. Gani, usa usab kini sa makapagahi sa atong kabukugan. Dugang pa, makapalikay kini sa sakit sa bato ug lutahan.

Ang saging usab ang makapatukpaw sa atong energy level mao nga kun mokaon kita og saging, dili gyud kita magluya. Dugang pa usab, ang saging mao ang bugtong solusyon sa pagpawala sa stress nga gibati.

Mao nga kinahanglan gyud kini nga mugnaon ug iandam tungod kay sayon lang kini himuon gumikan kay pipila ka minuto lang gyud kini nga buhaton ug di na angayan nga lutuon.

Ang Proseso:

Panitan ang saging.

Tungaon ang saging sa makaduha nga bahin.

Magkuha og usa ka kutsara nga peanut butter ug ipahid kini sa usa ka bahin sa saging. Human og pahid, itapot na ang laing bahin sa saging.

Mahimo na kini nga i-serve.