Walay uyab

“I don’t think, no, no boyfriend yet. I don’t think so.” Kini maoy tubag ni Miss Universe Pia Wurtzbach dihang gipangutana kabahin sa iyang lovelife. Kini bisan pa man og nagkadaghan na ang ilang mga hulagway sa  F1 racer Marlon Stockinger sa nagkadaiyang social media sites.

Bahala uroy mo!

Kever na si Andrea Torres sa mga pagsaway nga iyang nadawat gikan sa mga wala makauyon sa iyang costumes sa teleserye nga Alyas Robin Hood sa GMA7 primetime. Suma pa niya, wala siyay mahimo gumikan kay mao kini gipangayo sa iyang character.

300M

Nikita na matud pa og P300 million worldwide ang pelikula sa Star Cinema nga Barcelona: A Love Untold, nga gibituonan nila ni Kathryn Bernardo ug Daniel Padilla (Kathniel). Pwes, nagmaya og maayo ang ilang mga fans.

Negative

Managsama sila si Claudine Barreto ug Dennis Trillo nga nag-upload og resulta sa ilang drug test. Gani gilakip pa ni Claudine pag-upload ang resulta sa iyang drug test niadtong 2013. Managsama nga negative ang resulta sa ilang drug test ug pasado sila.

Angayan siya

Dakong supak ang fans nila ni Liza Soberano ug Enrique Gil sa magician ug comedian nga si Jeffrey Tam sa umaabot nga pelikula sa LizQuen. May mga niingon nga makadaut lamang matud pa ang nahisgutan sa maong pelikula. Apan ang director nga si Cathy Garcia-Molina nangayo og pagsabot kay niya pa, nakita niya nga mahatagan ni Jeffrey og hustisya ang role niini sa pelikula.

Pag-amping sa ilong

Maghisgot na gani og ginhawa , bida gyud  niana ang ilong busa kinahanglan gyud kini nga ampingan.Suma pa sa www.healthguidance.org, kinahanglan ang himsog nga ilong aron makatimaho og sakto ilabi na kun duna kay kaunon  gumikan kay magsilbi kini nga basehan sa istado sa usa ka pagkaon.

Makadaot usab ang pagsige og panigarilyo , gumikan kay makahatag og iritasyon  sa ilong ang aso.

Alang usab sa mga tawo nga mahiligon kaayo sa pagpataas og ilong, kinahanglan nga moduol  sa eksperto aron walay pagbasul nga mahitabo.