My 2015

Maayong Bag-ong Tuig mga SKB! Kumusta ang inyong pagsugat sa bag-ong tuig? Nanghinaut ang inyong Yur’s Truly nga nagmalinawon kini. Sa pagsugat sa bag-ong tuig laumi ninyo nga lab-as nga mga BisChika ang akong ihatod kaninyo, mga opinyon ug kasinatian nga akong ipaambit kaninyo kay nagatu-o ko nga sharing is loving ug labaw sa tanan magpadayon kita sa atong mga Kinsa Siya???— ma lokal personalities man o  gikan sas kaulohan. Kining tanan alang lang gyud kaninyo kay mga SKB, dako ang akong gugma ug pasalamat kaninyo! 

Ang  2015 ang tuig nga naghatag nako og dakong hagit sa akong showbiz career. Dili nako makalimtan sulod sa walo ka tuig nga nag-ere ang BuenaMano, ang kanhi morning show nga naapil ko unya, ikalima na unta na nako ka tuig apan kalit kining nagbabu. Dili ko makalimot April 24, 2015 mao ang pagpanamilit nako sa kahanginan. Sakit apan nadawat nako tungod sa 13 years nako sa industriya ubay ubay na pud nga show ang akong naapilan. Sa showbiz walay permanente, mao nga kun unsa ang naa nimo karun give your best shot!  Pagkawala sa BuenaMano, adunay bintana nga niabli, akong gisugdan ang gamay nga YUR Events and Productions. Ug sa tabang sa akong mga kahigalaan maayo ang dagan sa gamay nga negosyo. Gitawag ko pagbalik sa GMA 7 Cebu ug sa pagkakaron usa ko ka Sales Producer pero ang tawag sa telebisyon dili gyud mapugngan. Usa ka gamay nga segment ang nahimugso nga magkalingaw og panghatag ang akong mugna, ang “House Attack “ sa 24Oras Central Visayas. Bisan pa man sa mga pagsuway nga akong naagian naa lang gihapon ang BisChika sa Banat Hugyaw ug dako kaayo ang akong utang kabubut-on sa kumpanya niining kahigayonan. 

Kinsa ang mga Kapuso stars nga akong nakatrabaho nga dili nako makalimtan sa Tuig 2015? 

7.  Rodjun Cruz - tungod sa YurEventsAndProductions nakuha nako siya sa usa ka dance fest. Dili ko makalimot nga nakahisgot ko sa iyang role sa Magpakailanman. 

6. Julian Trono - sama kang Rodjun tungod sa YurEventsAndProductions nakatrabaho nako siya. Hugyaw kaayo mosayaw! 

5. Ryzza Mae Dizon - ang bata nga makulit, kusog pa gyud mokaon murag ako! hahahaha! 

4. Eula Valdez- sa pagdungan namo og pangaon human sa show, nitutok nako ug nangutana, naka trabaho na ba daw siya nako dugay na, which is korek. Wala kalimut sa akong beauty

3. Franchesca Farr - very simple ug wala usay libog nga artista/ singer. Na late pabalik sa Manila kumpyansa nga dili traffic ang Cebu kung gabii apan nasayop ang kaubanan niya.

2. Ai-Ai Delas Alas, Vic Sotto, Direk Joey ug Tito Sotto -  pagkahuman sa Kapuso Mall Show gipaadto ko sa usa ka hotel for dinner, unya tungod sa wala nakoy choice didto ko nasagol sa ilang table. (How I wish sa table nilang Alden ug Maine pero wala si Alden nangraket pa). Si Direk Joey strikes the Chika. Nangutana if kaila ba nako iyang kaila kay pag-post niya og photo sa IG ( instagram ) unya naapil ko kay press con atong panahona ni-comment og “Yuri” pagkaHugyaw

1.ALDUB - wala ko nag expect to work with them. Gahuwat ko ingnon sa akong mother network and finally pag-ingon nga ako ang mag-host sa press con ug mall show,  akong heart naglukso lukso sa kalipay. Si Alden sa presscon sa My Bebe Love #KiligPaMore giihap nako pila ka beses naghikap hikap sa akong tiyan—5x— unya gilili akong tiyan. Nakalitan ko oi! hahahaha! 

Karung 2016, magkugi gihapon ko. Gusto ko mo travel ug ipaambit nako ninyo. Naay usa ka butang nga gusto ko mahitabo pero wala pa man. Magpaabot ko sa Saktong Panahon! 

Cheers 2016!!!

BisChika Greetings : Happy Birthday to my dearest  Mother BingBing. Welcome to Senior Citizen World! I love you Ma!