Dili diay babaye

Hugyaw nga BisChika mga SKB! Twenty days more to go ug usa na pud ka hugna sa akong kinabuhi ang mulabay! As we age, mas hugyaw ang imong panglantaw sa imong kaugmaon. Dili importante ang mga materyal nga butang mas importante ang mga tawong imong gihigugma.

Anyway, sa bag - o lang nahuman nga Kapuso Fans Day ni Pambansang Bae Alden Richards, nadawat na nako gikan kaniya ang usa ka birthday gift. Char! Unsa kini? Mag-post lang nya ko sa akong FB account ug page, sa saktong panahon! Hahahaha! Kilig to the max.... Deadma nako sa kakapuy pagkahuman sa fans day ni Alden bisag gipagaw nako ug pagka sunod adlaw kay  naa koy shoot plus hosting sa 1st Birthday sa akong kinugos nga si Fatima Naveen M. Ursal. Maayo nalang nigawas gamay ang akong tingog pero nakuyawan ko slight kay sunod adlaw napud mag-host ko sa Pantawid Pamilya Family Day sa DSWD7 ug mapasalamaton kaayo ko sa Kahitas-an nga sa pag ugom nako og chinese nga candy, inom og hot calamansi unya nagpahilot ug natulog, pagkabuntag naulian akong tingog! Praise the Lord!

First time nako nag-host sa Department of Social Welfare and Development ( DSWD ) sa ilang simultaneous nga Pantawid Pamilya National Family Day sa niaging semana sa Carcar City nga adunay theme “ Tuloy Ang Pagbabago”.  Hugyaw ang maong kasinatian tungod kay daghan kang makat-onan sa mga istorya sa ilang mga partner-beneficiaries kung giunsa nila pagtabang ang ilang  kaugalingon pinaagi sa mga programa sa DSWD. Para mas alegre  ug mas hugyaw ang programa  duna’y giandam nga mga papremyo ug paduwa ang maong ahensiya , ang mga magician nagpakita sa ilang abilidad.  Mabulukon usab ang maong panagtapok  kay nipaambit  si Jennifer Abastillas gikan sa Disaster Response Assistance iManagement Unit, DSWD7 kabahin  sa Disaster Preparedness Campaign. Dako kaayo pasalamat ni DSWD7 Regional Director Mercedita P. Jabagat nga daghan kaayo ang nitambong, nihatag sa ilang oras ug ni share sa kausaban sa ilang kinabuhi. Mas na inspire ang tanan sa testimony sa Montecalbo Family nga maoy “Huwarang Pantawid Pamilya”  gikan sa Barili,Cebu nga “ bisan pa man sa kalisod sa kinabuhi apan gusto nimo nga kini mabag-o  basta maningkamot ug mag ampo ....Makaya nimo! “ gitapos ang Pantawid Pamilya National Day ug  ” Kaya Ko ang Pagbabago “ dance. Salamat usab ni Phoebe Jen Indino, Pantawid Pamilya Information Officer ug iyang mga kaubanan.

Kinsa Siya????  Sikat nga singer walay kalibutan nga iyang kauban sa usa ka show kay dili tinuod nga babaye kung dili usa ka Destiny Rose (miyembro sa LGBT). Ang BisChika kay si sikat nga singer adunay show ug si Destiny Rose ang usa sa mo front act. Gakuyog na sila og kaon, suroy suroy sa lugar ug diha lang nakahibalo si sikat nga singer sa gabii sa ilang show. Tungod sa pagka shock sa sikat nga singer gikomedyahan niya og bugno ang nahisgutan. Hahahahaha! And it  was the start of their friendship! Kinsa si sikat nga singer? Produkto sa singing contest unya ang iyang istayl sa pagkanta kay parehas sa usa ka diva. Ug si Destiny Rose??? Usa ka local diva ug ang istilo niya sa pagkanta pareha sila sa sikat nga singer!