Alkris ibutang sa primetime

CEBU, Philippines - Ibutang na sa primetime ang umaabot nga serye nila ni Kris Bernal ug Aljur Abrenica nga Prinsesa ng Masa.Kahinumduman nga ibutang unta kini sa afternoon timeslot apan kalit nga nausab ang hukom sa GMA ug ibutang na kini sa gabii aron masuta kung nagpabilin pa ba ang karisma sa tandem nila ni Aljur ug Kris.

Organic ang tirada

Organic ang tanang kinaon sa magtiayong Robin Padilla ug Mariel Rodriguez ug gidasig nila ang kadaghanan nga mosundog kanila aron malikay sa mga sakit. Nasayod si Mariel nga mahal ang mga organic food apan mas mahal kung masakit. Nasayran nga mokilaw usab ang TV host og hilaw nga ahos.

Pokwang napungot

Napungot pag-ayo ang komedyanteng aktres nga si Pokwang ngadto sa mga tawo nga nisaway sa mga artista nga mihimo og relief operations. Suma ni Pokwang nga wala siya mahimuot sa mga tawo nga nikomentaryo nga para publicity ang pagtabang sa mga biktima sa baha. Matud pa niya nga imbes mosaway, labing maayo nga  motabang sila sa relief operations."'Yung iba nating kababayan dyan na sa halip mang urat ng artista sa social media e gumawa nalang ng paraan para makatulong! Pwede? Ha pwede?” tweet pa ni Pokwang.

Nanan-aw og sine

Gilibrehan ni Barbie Forteza si Derrick Monasterio og sine isip birthday gift niya sa aktor. Nagkasuod na sila og maayo apan ilang giklaro daan nga wala sila’y relasyon .

Ogie pasok sa gag show

Malakip si Ogie Alcasid sa umaabot nga gag show sa TV 5 nga pagabituonan usab nila ni Gelli De Belen, Jasmine Curtis Smith, ug Ritz Azul. Wala pa’y ideya si Ogie kung iatbang ba kini o dili sa kanhi programa niya sa GMA-7 nga Bubble Gang.

Ikaw na Eugene!

Gumikan sa kadaghang movie projects, kausa na lang sa usa ka semana ang  taping ni Eugene Domingo sa game show niya nga Celebrity Bluff sa GMA-7. Naandan na ni Eugene nga magpundo og daghang episodes.

Sakyanan ni Alden nadaot

Wala makatambong si Alden Richards sa mga importante niya nga lakaw sa miaging adlaw gumikan kay naapektohan usab sa baha ang ilang balay ug gilapawan na sa tubig ang duha niya ka mga sakyanan hinungdan nga nangadaot ang makina niini.

Melissa nanambok

Matud pa ni Melissa Ricks nga gipangbalibaran una niya ang sexy pictorials gumikan kay nanambok ang iyang lawas. Panigkamotan sa aktres nga mabalik na ang iyang ka-sexy sulod sa duha ka buwan.

Benefit concert

Nagkasinabot sila si Anne Curtis ug Martin Nievera nga ihinabang nila sa mga biktima sa baha ang tipik sa kita sa ilang concert sa Amerika karong August 31. Matud pa ni Anne nga dako kaayo og garbo alang kaniya nga mopaambit sa kita sa iyang concert  ngadto sa mga tawo nga nagkinahanglan niini.

Billy gikalimtan na ni Nikki

Nagsaulog karong adlawa si Nikki Gil sa iyang birthday ug dili siya ganahan nga maghisgot sa iyang ex-boyfriend nga si Billy Crawford aron dili maguba ang iyang adlaw. Makauban ni Nikki ang iyang pamilya ug higala sa pagsaulog sa iyang birthday.

Dedmahay ang show

Nagkasugat sa tugkaran sa ABS-CBN sa miaging adlaw ang kanhi mag-uyab nga sila si Matteo Guidecilli ug Maja Salvador apan wala nagtingog ang duha. Depensa pa ni Matteo, nagdali siya niadtong higayona busa wala dayon siya makatingog pagkakita niya sa iyang kanhi uyab.

Rason

Tsika pa ni Marvin Augustin nga kung minos gani ang iyang TV projects, nagpasabot kini nga busy siya sa pagdumala sa iyang gipanag-iya nga mga restaurant. 

Christian nahigam sa acting

Ganahan pa si Christian Bautista nga makabaton og lain na pud nga acting project gumikan kay nalingaw siya og maayo sa seryeng With A Smile. Gipasalig hinuon ni Christian nga dili niya biyaan ang pagkanta.

Tambag ni Charee

Tambag pa ni Charee Pineda sa mga tawo nga dunay uyab nga dili garantiya ang kadugayon sa usa ka relasyon busa kinahanglan nga iandam gyud kanunay ang inyong kaugalingon sa posibilidad nga magbuwag.  Matud pa ni Charee nga dili gyud malikayan nga dili mo magkasinabot sa inyong partner. Kahinumduman nga wala madayon ang kasal ni Charee sa iyang non-showbiz boyfriend gumikan kay nagkabuwag sila niini.

Jason mag-usab na

Gianam-anam ni Jason Francisco ang pag-usab sa iyang kaugalingon partikular na sa iyang pagka-himarkada aron dili na sila maglalis sa iyang girlfriend nga si Melai Cantiveros. Magsige og kuyog si Jason sa iyang barkada niadto hinungdan nga nagkabuwag sila ni Melai sa mubo nga panahon apan nagbalik ra usab dayon.

Zayn Malik  engaged na!

Engaged na ang 20-anyos nga sakop sa sikat nga boy band “One Direction” nga si Zayn Malik.

Ang balita nagkanayon nga si Malik, engaged na ngadto kang Perrie Edwards nga sakop sa grupong Little Mix niadto pang Domingo. Managsama silang duruha nga 20-anyos ang pangidaron.

Gani si Edwards nga mitambong sa premiere sa pelikula sa One Direction nga “This Is Us” niadtong Miyerkules, nasigpatan nga nagsul-ob na og diamond ring nga gikan matud pa ni Malik.

Ug mismong inahan ni Edwards nga si Debbie, mikumpirma pud sa maong taho: "It's true. They got engaged on Sunday and it's absolutely lovely." Si Malik kanhi gilambigit kang American Idol runner-up Jessica Sanchez sa milabay nga tuig. (BANAT NEWS)