Christian sa Indio

CEBU, Philippines - Gipanglantawan nga ipuno isip bag-ong cast si Christian Bautista sa Indio aron modala nga mortal love interest ni Diwata Libulan (Rachelle Ann Go).  Kanhi mag-uyab sila si Christian ug Rachelle Ann. Samtang hugyaw ang pagsulod ni Christian kagahapon sa Party Pilipinas kung diin gikauban niya sa production numbers ang mga banggiitang singers sa GMA-7.

Suliran ni Yasmien

Naguol karon si Yasmien Kurdi gumikan kay dunay gamay nga sayop sa computation sa iyang kita niadtong aktibo pa siya sa showbiz. Giingong nasayop ang iyang kanhi accountant busa dako na hinuon ang nabayran niya nga buhis.

Ang pagpabalik ni Marta

Sunod buwan ang gikatakdang pagbalik ni Nora Aunor sa taping sa seryeng Never Say Goodbye sa TV 5. Una na nga gipadayag ni Nora nga dili gyud niya puwede nga biyaan ang maong serye gumikan kay nakauyon siya pag-ayo sa istorya ug sa casts niini. Gidala ni Nora ang karakter ni Marta, nga maoy inahan ni William (Vin Abrenica).

Empress gikataw-an

Mikatawa lang ang mga kritiko ni  Empress kalabot sa pangangkon niini nga wala siya’y giparetoke  sa bisan asa nga parte sa iyang lawas. Matud pa nga defensive ra kaayo ang aktres busa gitambagan kini nga mohilom na lang aron dili siya mauwawan og samot.

Sen. Lito nihangyo sa direktor

Giangkon ni Senador Lito Lapid nga adunay higayon nga nihangyo siya sa direktor sa serye niya sa ABS-CBN nga Little Champ nga dili siya hatagan og English lines.  Hinuon dunay mga eksena nga kinahanglan nga mag-english ang senador busa dako kining hagit alang kaniya.

Joey mitiyabaw

Emosyonal si Joey Marquez  sa iyang pagpanamilit sa entertainment talk show nga “Showbiz Inside Report”. Gikinahanglan nga mawala na si Joey sa maong show gumikan kay magsugod na sa dili madugay ang local campaign period. Midagan pagka-kongresista si Joey sa ikaduhang distrito sa Paranaque.

Jason hambogero na?

Gumikan sa pagsukmag ni  Jason Francisco kang John Prats sa miaging semana , nitumaw na hinuon ang ubang mga negatibong istorya kabahin sa aktor. Matud pa nga hambogero na kaayo ang aktor sukad kini nisikat.

Amy mohusay na

Nibalik na sa taping si Amy Perez sa Face to Face busa napapas na ang mga pagduda niadto nga himoon nga permanente si Geli de Belen sa maong programa. Si Gelie ibalhin na sa laing show sa TV 5. Kahinumduman nga nawala si Amy sa maong programa human kini namabdos.

Partikular gihapon sa lawas

Tsika pa ni Raymart Santiago nga bisan 40 anyos na siya, gimintinar gihapon niya ang nindot nga pamorma sa iyang lawas ilabi na nga aktibo siya karon sa showbiz.  Ang Home Sweet Home maoy umaabot niya nga show sa GMA-7.

Wendell naghubo

Nadayon gyud ang pagdagan ni   Wendell Ramos nga nakahubo sa pelikulang Bayang Magiliw. Nisugot si Wendell sa maong eksena gumikan kay dili man law-ay ang pagpresenta niini. 

Jessica mobalik sa Pilipinas

Gikumpirmar karon sa young singer nga si Jessica Sanchez nga mobalik siya sa Pilipinas ug posible nga mahitabo kini karong Hunyo.

Matud pa nga iyang i-promote dinhi sa nasud ang iyang album ug  usa sa mga unod niini mao ang single niya nga “Tonight” kung diin ka-duet niya ang Grammy-winning singer nga si Ne-Yo. Nasayran nga nakaangkon og standing ovation ang pag-guest sa duha sa bag-ong season sa American Idol.

Nagkanayon si Jessica nga matag kalampusan nga iyang maangkon, dili gyud niya kalimtan ang Pilipinas gumikan kay dinhi nagdako ang iyang inahan.

Dugang pa niya nga taas gyud ang iyang enerhiya basta  mo-perform siya atubangan sa iyang Pinoy fans gumikan kay mosabay kini kaniya sa pagsayaw.

Pope Francis natabunan ni Kris!

Gilubong ni Kris Aquino sila Pope Francis ug Kristel Tejada kun ang kasikat sa isyu maoy hisgutan.

Suma pa sa GMA News, ang labing ulahi nga  Philippine Digital Landscape survey sa  Movent, nagpakita nga mas gihisgutan og maayo ang labing bag-ong kontrobersiya nga naglambigit kang Kris ug sa iyang kanhi bana nga si James Yap ug natabunan niini sila si  Pope Francis (Cardinal Jorge Mario Bergoglio) ug sa tinun-an sa University of the Philippines (UP) nga si Kristel kinsa gitouhan nga naghikog gumikan sa problema sa pagbayad sa iyang tuition.

 Base sa pag-analisa sa digital marketing agency nga Movent niadtong  March 15-21  si Pope Francis ang gihisgutan og maayo. Samtang nagdagan ang adlaw , nagkaminos ang naghisgot kaniya. Ang iyang inauguration mass maoy labing gituki og maayo diin nakaangkon kini og “3,574 mentions” sa Twitterverse.

Apan sukad adtong Martes, gipistahan pag-ayo sa mga tawo ang nahitabo ni Kris ug maoy nakaingon nganong mihinay ang paghisgot sa Santo Papa.

Misamot kini adtong Huwebes sa gabii diin nakaangkon og â€œ13,783 mentions” sa dihang nagpa-interview siya sa mga news program sa telebisyon. Samtang ang kamatayon ni Kristel, nakatala lang og “965 mentions.”

 Matag adlaw, si Kris adunay average mentions  nga  2,282,  si Pope Francis adunay 1,727 , samtang si Kristel nakabaton lang og 374.

 Kabahin usab sa  share of voice, nakalangkat si Kris  og  52.06-percent share of voice (SOV) kumapara sa  39.41 percent ni  Pope Francis ug  8.53 percent ni  Kristel.

“It seems that celebrities have a stronger hook on us than things of great local or national significance. It may have something to do with the way mass media reports it, for one.  But it may also have something to do with what we think we have at stake,” suma pa sa Movent’s digital intelligence head, nga si Marck Rimorin.

“(It may be that) Philippine social media identifies a lot with Kris, or maybe the advocacy for Kristel reaches fewer people than a big Pinoy celebrity.  Either way, these things show us a lot about who we are as ‘the social media capital’ (of the world),” dugang pa niya.

Dugang mensahe sa Movent nga gisaw-an pag-ayo si Kris mga forum, apan si  Pope Francis gihisgutan pag-ayo sa  mainstream news channels ug  blogs.

“The total number of people who saw online conversations about Pope Francis is equivalent to the total number of Twitter users in the world as of Jan. 2013 ... In contrast, the number of people who saw Kris Aquino-related conversations is roughly the size of the total combined population of Jakarta and Metro Manila,” dugang pa sa Movent. Gikan sa http://www.gmanetwork.com/news/

“Little Boy Whitney ” manghugyaw napud

Misamot  ang pagsaka sa popularidad  ni Roel Manlangit nga nailhan usab isip “Little Boy Whitney” sa  YouTube gumikan sa iyang pagsalmot karon sa Pilipinas Got Talent.

Nasayran nga hugyaw kaayo og tingog si Roel ug paborito niini ang mga kanta ni Whitney Houston ug usa kini sa rason nga nahimo siya nga Youtube sensation.

Dili pa lang dugay,  nakadawat si  Roel  og standing ovation sa mga hurado sa PGT nga sila si Kris Aquino, Ai Ai delas Alas ug Freddie M. Garcia. 

Ang  13 anyos nga singer nagtubo sa  Valencia, Bukidnon ug usa siya sa mga Bagyong Pablo sa miaging tuig. Gianod sa baha ang ilang balay busa nanghinaut siya nga magamit ang iyang talento sa paghatag og maayong kaugmaon sa iyang tibouk pamilya. 

Tulo ka big projects nagpaabot ni Andi

Gipahibalo ni  Andi Eigenmann nga tulo ka major projects ang gamaon niya karong tuiga nga naglangkob sa duha ka mga pelikula sa Viva Films ug usa ka pantaserye sa ABS-CBN.

Gikatakda niya nga himoon ang  big-screen remake sa  1983 film nga  “Nagalit ang Buwan sa Haba ng Gabi.”

“Dito po, anak po ako ni Tito Gabby (Concepcion) at ni Ms. Alice (Dixson). Sobrang opposite po ito sa ginawa kong huli, which is ‘A Secret Affair,’” matud pa sa aktres ngadto sa ABS-CBN News.

Dalhon ni Andi ang papel sa usa ka babaye nga nahigugma sa lalake nga aduna na’y relasyon sa lain.

Samtang naghinam-hinam na si Andi sa pagbuhat og TV project  ilabi na nga ang “Kahit Puso’y Masugatan” maoy katapusan pa lang niya nga nabuhat nga serye.

“Hindi naman ako umasa na tuluy-tuloy agad darating sa akin. Parang sa ‘kin, ‘yun ang gusto kong mangyari, pero hindi para i-expect ko siya to keep coming and coming,” dugang pa ni  Andi.