Wife material

CEBU, Philippines — Gawas sa ilang pagka-love team , gikatahong nag-partner pud sa usa ka negosyo sila  Bea Binene ug  Wilbert Ross. Nagkasoud og maayo ang duha gumikan sa nagsagunson nila nga mga proyekto . Kasamtangan sila nga nagpares sa  latest Viva One series nga Love U Lots (LUL).Suweto na kaayo sila sa usa'g usa , gani gihulagway ni Wilbert si Bea nga "wife material".

Momoland mobalik sa Pilipinas

Mobalik sa Pilipinas ang K-pop girl group nga Momoland aron magpahigayon og concert karong Agosto 8. Gipahibalo sa Three Angles Production nga ang maong konsyerto kay nag-ulohan og  “Very Merry Party in Manila” ug kabahin kini sa pagsaulog sa ika-10 nga anibersaryo sa  maong grupo. Ang Momoland maoy nagpasikat sa “Bboom Bboom” nga  nag -viral sa nasud niadtong 2018.

Libre ang ikaduhang gabii

Aduna espesyal  nga regalo si  Regine Velasquez ngadto  sa iyang fans isip pagsaulog sa iyang ika-40 nga anibersaryo sa music industry.Gipahibalo sa IMusic Entertainment Inc. nga libre ang ang ikaduhang gabii  sa iyang major solo concert nga “Finale” . Ang konsyerto sa singer  kay mahitabo karong  Oktubre 17 ug 18 sa SM Mall of Asia Arena.  Si  Paolo Valenciano  ang stage director , samtang  si  Raul Mitra ang musical director sa maong konsyerto .

Vic ug  Vice mag-uban sa  “The Greatest Showdown”

Opisyal nang gipahibalo ang unang panag-uban   nila Vic Sotto ug Vice Ganda sa usa ka proyekto pinaagi sa pelikulang “The Greatest Showdown”.

Gihimo ang pag- anunsiyo  atol sa usa ka mall show sa niaging adlaw didto sa kaulohan .

“Kailangan namin magsanib-pwersa para ibigay ang tawa, halakhak, at kaligayahan na kailangan ng mga Pilipino. Hardcore, todo-comedy ang gagawin naming dalawa,” saysay pa  ni Vice .

Samtang si Vic sa iyang bahin, nipasalig kini nga duna pu’y nagtangag nga mga pagtulon-an ang maong pelikula .

“Ang pelikulang ito ay magbibigay ligaya sa taong bayan. Magpapasaya tayo at magpapatawa tayo. Sinisiguro rin namin na marami kayong mapupulot na aral,” suma pa ni Vic.

Si Jun Robles Lana maoy  direktor sa maong pelikula nga co-production venture sa ABS-CBN Studios, Star Cinema, IdeaFirst Company, M-Zet Productions ug APT Entertainment. 

“Quezon”, nagmadaogon  sa Eddys

Nakalangkat og ubay-ubay ka mga pasidungog ang  pelikulang “Quezon”  sa bag-ohay lang nga  9th Entertainment Editor's Choice Awards o Eddys  ug kini nalangkob sa  Best Picture, Best Actor alang sa bida niini nga si Jericho Rosales , Best Director alang kang  Jerrold Tarog , Best Screenplay ug Best Production Design.

Todo pasalamat si Jericho sa nadawat niya nga pasidungog.

"Lagi naman ako masaya lang eh. Pumupunta ako lagi sa mga ganitong awards night para magpasalamat. For you guys to give us this recognition. It means so much to us.  Wala ako sama ng loob sa kung ano ang nangyari. We are just doing our job. We know every great thing will have its challenges,”  suma pa sa aktor .

Samtang si Maris Racal usab ang napili nga  Best Actress alang sa maayo niya nga pag-arte  sa Sunshine. Sa iyang mensahe, iyang gipahinungod ang award sa tanang kababayen-an ug sa mga tawo nga nakasinati og kapakyasan apan nagpadayon sa pagbarog ug pagkab- ot  sa ilang mga damgo.

Mga mananaog

Best Actor — Jericho Rosales (Quezon)

Best Actress — Maris Racal (Sunshine)

Best Director —Jerrold Tarog (Quezon)

Best Picture - Quezon

Best Supporting Actor —Will Ashley (Bar Boys: After School) ug Rico Blanco (Manila’s Finest)

Best Supporting Actress — Rochelle Pangilinan (Child No. 82)

Best Screenplay —Quezon

Best Production Design - Quezon

Best Cinematography — Salvage Land

Best Editing — Sunshine

Best Sound — Manila’s Finest

Best Visual Effects —Shake, Rattle & Roll: Evil Origins

Best Musical Score — Manila’s Finest

Best Theme Song — Manila’s Finest

Box Office Heroes — Vice Ganda, Maricel Soriano, Joshua Garcia, Kim Chiu, Paulo Avelino, ug Richard Gutierrez

Eddys Movie Icons — John Arcilla, Edgar Mortiz, Rio Locsin, ug Janice de Belen

Joe Quirino Awardee — Joven Tan

Isah V. Red Awardees — Donny Pangilinan ug Chaye Cabal Revilla

Manny Pichel Awardee — Lhar Santiago

Xian migradwar na sa Music Production

Opisyal nang nakagradwar si Xian Lim sa kursong Music Production pinaagi sa Expanded Tertiary Education Equivalency and Accreditation Program (ETEEAP) sa De La Salle–College of Saint Benilde.

Sa edad nga 36, gidawat niya ang iyang diploma atol sa graduation ceremony nga gihimo sa Philippine International Convention Center sa niaging adlaw .

Sa iyang Instagram post, gipadayag ni Xian ang iyang dakong pagpasalamat sa mga nakatampo sa iyang  kalamposan. 

Allen mihunong na sa pagpanguyab kang Sofia

Gibutyag sa Kapuso actor nga si Allen Ansay nga wala na niya gipadayon ang iyang pagpanguyab kang Sofia Pablo. 

Pipila ka tuig niya nga gipanguyaban si Sofia ug nahunong na kini niadtong Marso karong tuiga.Giklaro ni Allen nga nagpadayon ang ilang pagrespeto sa usa’g usa.

Suma  pa sa aktor, lain-lain  ang ilang direksyon ug mga prayoridad, ilabina sa ilang mga karera hinungdan nahunong   ang iyang pagpanguyab sa aktres.

Gihangyo usab ni Allen ang publiko nga undangon na ang pagpakaylap og sayop nga istorya   batok kang Sofia.