Pagbalik ni Curry sa Warriors hapit na
CEBU, Philippines — Nagkaduol na ang pagbalik ni NBA superstar Stephen Curry uban sa Golden State Warriors.
Timaan niini, si Curry miapil na og praktis uban sa Warriors sa labing unang higayon sukad nayayay ang wala niyang abaga tulo ka semana na ang milabay.
"It was nice to break a sweat," matud pa ni Curry. "Today was the first day of practicing with everybody and being around the guys in terms of getting up and down, five-on-five with contact. It's been, what, three and a half weeks? I feel like I haven't lost too much."
Basi sa mga senyales nga iyang gipakita, si Curry lagmit nga makabalik na og duwa sunod semana.
Mao sab kini ang panahom ni Warriors general manager Bob Myers nga namahayag nga si Curry posibleng makatikang na og balik sa korte sa ilang duwa batok sa San Antonio Spurs karong Enero 14.
Sa iyang bahin, si head coach Steve Kerr nagkanayon nga kinahanglan una nga mahatagan og pagtugot sa ilang mga doktor si Curry sa dili pa kini nila paduwaon og balik.
"He's progressed really well," dason pa ni Kerr. "There have been no setbacks.He's getting on the court and doing more and more each day. As Bob said, we're hopeful that next week sometime he'll be able to come back. So we'll see how it goes."
- Latest
