^

Rockets nakaipsot sa Celtics

Lemuel P. Maglinte (Banat) - March 2, 2020 - 12:00am

CEBU, Philippines – Gidepensaan pagmaayo sa Boston Celtics ang scoring champion ug ex-MVP nga si James Harden, apan nakalimtan nila pagpugong ang laing bida sa Houston Rockets nga si Russell Westbrook.

Kini ang nahimong rason sa sikit nga kapildehan sa Celtics sa mga kamot sa Rockets, 110-111, kagahapon didto sa TD Center sa Boston.

Si Westbrook mirakrak og 41 puntos nga maoy mituboy sa Rockets sa ilang kadaugan.

“We had a lot of attention on James Harden.”matud ni Celtics guard Jaylen Brown, “and we forgot about the other MVP over there.”

Nausik ang paningkamot sa Celtics nga mipapas sa labaw sa Rockets ug mipugos sa overtime sa katapusang segundos human sa tres ni Brown.

Si Harden kinsa maoy leading scorer sa Rockets nalimitahan sa 21 puntos, apan wala niya gikinahanglan nga mupuntos og dako human usab nagnhasi si Westbrook.

“This is his (Westbrook) first year as a Rocket. It’s going to take some time and he’s finally there,” matud ni Harden. “You can have the confidence but not the ability. But he has both and that’s what makes him so special.”

Si Jayson Tatum maoy namuntos sa Celtics sa iyang 32 puntos, samtang si Marcus Smart ug Brown adunay 26 ug 22 puntos matag usa.
 

ROCKETS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with