Brownlee miapil na sa alab practice

CEBU, Philippines – Miapil na sa team practice ang champion import nga si Justin Brownlee nga nakapagaan sa konsensiya ni Alab Pilipinas coach Jimmy Alapag.

Nasayran, nga si Alapag diriyot na nga misurender human  mipalta si Brownlee og duha ka practice game kay dugay nakagikan sa Estados Unidos  paingon sa Pilipinas.

Ang pag-abot ni Brownlee maoy gilauman ni Alapag nga mapataas sa kompiyansa sa Alab nga naglisud pagsakmit sa automatic playoffs slot sa rekord nga 10-6.

Wala na paningli og rason ni Alapag si Brownlee sa pagkalangan niini ug iyang gikalipay    nga nakompleto na ang iyang team. Ikauban ni Brownlee,  ang laing ex-PBA import nga si John Fields, kinsa gikuha sa Alab puli sa higanteng si Sam Deguera.

Ang Alab makigsangka sa Saigon Heat karong Domingo didto sa Vietnam.