Westbrook mikulit og laing record
CEBU, Philippines — Usa sa mga bitoon sa Houston Rockets nga si Russell Westbrook mihimo og laing rekord sa natad sa triple-double.
Kini human siya mikolekta og 32 puntos, 11 ka rebounds ug 12 ka assists atol sa ilang duwa batok sa Oklahoma City Thunder kagahapon didto sa Toyota Center sa Houston, Texas.
Sa wala pa malandig sa Houston pinaagi sa usa ka trade hulip ni Chris Paul, si Westbrook miduwa sa nag-una niyang 11 ka seasons sa NBA uban sa Thunder. Sulagma kaayo nga mao na lamang kini ang team nga iyang nakasangka diin siya wala makarehistro og triple-double.
Apan iya na gyud kining nakab-ot kagahapon aron pakig-uban ni LeBron James nga mao lamang ang duha ka players sa kasaysayan sa NBA nga nakatali og triple-double sa matag team sa liga.
Wala hinuon makumpleto ang pagmaya ni Westbrook gumikan kay ang Rockets napilde man sa Thunder sa iskor nga 112-107.
- Latest
